Ի հավելումն իմ մեկնաբանության. ՀՀ տարածքային կառավարման նախարարի հանձնարարականը Վայոց Ձորի մարզպետ Տ.Սարգսյանին՝ Խնդրում եմ քննության առնել, առաջարկել Ջերմուկ համայնքի ավագանուն՝ վերացնել կամ փոփոխել վերջինիս կողմից 2018 թվականի դեկտեմբերի 18-ին ընդունված N 88-Ա որոշումը, և արդյունքների մասին հայտնել՝ ղեկավարվելով «Տեղական ինքնակառավարման մասին» օրենքի 98-րդ հոդվածի դրույթներով: Վայոց Ձորի մարզպետի գրությունը Ջերմուկի համայնքապետ Վ. Հովհաննիսյանին՝ Ի կատարումն ՀՀ տարածքային կառավարման և զարգացման նախարարի 24.01.2019 թվականի թիվ 01/16.1/436-19 հանձնարարականի պահանջների՝ ղեկավարվելով «Տեղական ինքնակառավարման մասին» օրենքի 98-րդ հոդվածի դրույթներով, առաջարկում եմ ձեռնարկել միջոցներ Ջերմուկի համայնքի ավագանու 2018 թվականի դեկտեմբերի 18-ին ընդունված N 88-Ա որոշումը վերացնելու կամ փոփոխելու ուղղությամբ:

1. Ջերմուկի համայնքի ավագանու 2018 թվականի դեկտեմբերի 18-ին ընդունված որոշումը ոչ թե Ջերմուկում մետաղական հանքեր շահագործելը արգելելու մասին է, ( օրենքով այդպիսի իրավասություն ավագանին չունի ), այլ ընդամենը հավանություն է տրվել համայնքի 3000 բնակչի ստորագրությամբ հանրագրին, որով անհամաձայնություն էր արտահայտված Ամուլ սարի ոսկու հանքավայրի շահագործման ծրագրին: 2. Մարզպետարանը, որպես ՏԻՄ-երի գործունեության իրավական վերահսկող մարմին, տարածքային կառավարման և զարգացման նախարարության հանձնարարությամբ առաջարկել էր վերանայել այդ որոշումը: Փչոց է, թե իբրև տարածքային կառավարման և զարգացման նախարարությունը այդպիսի «առաջարկություն ներկայացրել է այն հիմնավորմամբ, որ որոշումը թերի է, դրան կցված չէ հանրագիրը»: Ջերմուկի համայնքի ավագանու 2018 թվականի դեկտեմբերի 18-ին ընդունված որոշումը թերի լինելու և դրան հանրագիրը կցված չլինելու մասին նախարարության և մարզպետի գրություններում խոսք չկա: