Այսօր վաղ առավոտից լարված իրավիճակ է Արմավիրի մարզի Արշալույս գյուղում: Գյուղացիներն ամիսներ շարունակ պահանջում են, որ համայնքապետ Զարզանդ Գրիգորյանը լիազորությունները վաղաժամկետ դադարեցնելու դիմում ներկայացնի:

Այսօր հերթական բողոքի ակցիայի շրջանակներում գյուղացիները հավաքվել են համայնքապետարանի դիմաց: Ցուցարարներին դիմավորել են ոստիկանները:

Արշալույսցի Արմեն Շահբազյանը «Հետք»-ին պատմեց, որ ոստիկանները փորձել են քաղաքացիներին բերման ենթարկել: Կանայք, աղմուկ լսելով, դուրս են եկել տներից և տղաներին դուրս բերել ոստիկանների ավտոմեքենաներից: