HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Սուրիկ Խաչատրյանի որդու նկատմամբ խափանման միջոց է ընտրվել ստորագրությունը չհեռանալու մասին

Սյունիքի նախկին մարզպետ Սուրիկ Խաչատրյանի կրտսեր որդու՝ Տրդատ խաչատրյանի նկատմամբ խափանման միջոց է կիրառվել ստորագրություն չհեռանալու մասին:

Այս մասին «Հետք»-ի հարցմանն ի պատասխան՝ հայտնել են Քննչական կոմիտեից՝ հիշեցնելով, որ Խաչատրյանի նկատմամբ մեղադրանք է առաջադրվել Քրեական օրենսգրքի 327-րդ հոդվածի 2-րդ մասի 2-րդ կետով:

Տրդատ Խաչատրյանը մեղադրվում է ժամկետային զինվորական ծառայությունից խուսափելու մեջ՝ փաստաթուղթ կեղծելու կամ խաբեության այլ ճանապարհով:

Մենք հարցրել էինք նաև, թե Խաչատրյանի նկատմամբ դեռևս օգոստոսի 13-ին նշանակված համալիր դատաբժշկական, դատահոգեբանական ստացիոնար և ռազմաբժշկական հանձնաժողովային համալիր փորձաքննության եզրակացությունը ստացվե՞լ է, թե՞ ոչ, և կա՞ արդյոք փաստաթղթերի ենթադրյալ կեղծիք, սակայն քննչական կոմիտեից մեզ պատասխանել են, որ փորձաքննության եզրակացությունը դեռևս չի ստացվել:

Տրդատ Խաչատրյանին մեղադրանք առաջադրելուց հետո վերջինս բաց նամակով դիմել էր պաշտպանության նախարար Դավիթ Տոնոյանին՝ խնդրելով թույլ տալ զորակոչվել բանակ: ՊՆ-ից վստահեցրել էին՝ մինչ իրավական ընթացակարգը չսպառվի, և քաղաքացու պիտանելիության հարցը չհստակեցվի, վերջինս չի կարող զորակոչվել զինված ուժեր:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։

Բեռնվում է ...

Էջի վերջ Այլ էջեր չկան բեռնելու համար