HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Փաշինյանը՝ Քոչարյանի մասին. «Եթե հաշվեհարդարի տրամադրություն լիներ, շատ կոնկրետ հնարավորություն կար»

Գործող իշխանության խնդիրն է ունենալ այնպիսի դատարան, որ և՛ Ռոբերտ Քոչարյանի հարցը, և՛ պայմանական ցանկացած քաղաքացու հարց քննարկվի օրինականության շրջանակներում։

Այս մասին մամուլի ասուլիսի ժամանակ ասաց վարչապետ Նիկոլ Փաշինյանը՝ անդրադառնալով 2008 թվականի մարտի 1-ի դեպքերով հարուցված քրեական գործին։

«Մեր կառավարությունը և ես անձամբ հարյուր տոկոսով հավատարիմ ենք այդ քաղաքականությանը»,- ասաց նա։

Դիտարկմանը, որ երկրորդ նախագահ Ռոբերտ Քոչարյանին մեղադրանք առաջադրելը որոշ շրջանակների կողմից բնորոշվում է որպես հաշվեհարդար, Փաշինյանն արձագանքեց՝ հաշվեհարդարն անհամատեղելի բառապաշար է սիրո ու համերաշխության կառավարության համար:

«Եթե հաշվեհարդարի տրամադրություն լիներ, շատ կարճ, կոնկրետ և հնարավորություն կար, և ժամանակը կար: Ես ուզում եմ ասել, որ որևէ գործողություն երբևէ չդիտարկել անձնական պատկերացումների շրջանակներում»,- ասաց նա:

Վարչապետի խոսքով՝ Մարտի 1-ի դեպքով նոր քրեական գործ հարուցելու անհրաժեշտություն չկա:

«Մարտի 1-ի պարկուճները փոխվել են. ինչու են փոխվել՝ որովհետև այդ պարկուճների փորձաքննությունը կարող էր տալ շատ հարցերի պատասխաններ, այդ թվում՝ սպանությունների կոնկրետ կատարողներին բացահայտելու առումով»,- ասաց նա՝ վստահեցնելով, որ որևէ կասկած չի կարող լինել այն հարցում, որ Մարտի 1-ի գործի բացահայտման առումով արվելու է ամեն ինչ:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter