Մարտի 15-ին ՀԲԸՄ ցուցասրահում տեղի ունեցավ «Կոնվերգենցիա» խմբակային ցուցահանդեսի բացումը, որը ներկայացնում է տարաբնույթ տեխնիկայով, ոճերով աշխատող տասնյոթ երիտասարդ արվեստագետների գործերը։ Ցուցահանդեսի գաղափարը Գայ Ղազանչյանինն է, համադրությունը՝ Աննա Գարգարյանինը։

Կոնվերգենցիան օրգանիզմների արտաքին կամ ներքին կառուցվածքի հատկանիշների միանմանությունն է, որը հիմնված է ոչ թե ծագման միասնության, այլ գոյության նման պայմաններին հարմարվելու վրա։

«Ցուցադրությունն արտացոլում է երկխոսություն, որում խաչաձևվում եւ միաձուլվում են երբեմն միմյանց հակադիր, երբեմն էլ ներդաշնակ տարբեր մոտեցումներ։ Դրանց ընդհանրությունը միանգամից նկատելի չէ։ Սերնդակիցներ լինելուց եւ Գեղեցիկ արվեստների ազգային ակադեմիայում ուսանելուց զատ, այս նկարիչներն այսօր ներգրավված են միեւնույն յուրօրինակ ցանցում։ Նրանց ճանապարհները խաչվում են տարբեր առումներով՝ սկսած իրենց արվեստանոցներից մինչեւ Նկարիչների միության ցուցասրահներ, եվրոպական եւ հետխորհրդային միջազգային ցուցահանդեսներ»․ նշված է ցուցադրությունը ներկայացնող տեքստում։

Ցուցահանդեսին ներկայացված են Ժորա Գասպարյանի, Սիլվա Մկրտչյանի, Գայ Ղազանչյանի, Հակոբ Վարդանյանի, Արման Համբարձումյանի, Արման Օհանյանի, Վահե Թեւոսյանի, Լեւոն Առաքելյանի, Տարոն Մանուկյանի, Ռուբեն Գրիգորյանի, Լուսինե Աբրահամյանի, Լուսինե Սարգսյանի, Հայկ Ղազարյանի, Սարին Ոսկանեանի, Ռոմեո Մելիքյանի, Հայդուկ Սմբատյանի եւ Ռաֆայել Մանուկյանի աշխատանքները։

Ստորեւ ներկայացված լուսանկարները ցուցադրության վայրից են։

Ցուցադրությունը բաց կլինի մինչև մարտի 30-ը (ամեն օր՝ ժամը 10։00-20։00, հասցեն՝ Մելիք Ադամյան 2/2)։

Ռուբեն Գրիգորյան, «Օրեր», 2016 (կտավ, յուղաներկ, մետաղ, 187x90)

Արման Համբարձումյան, «Պերսեւս», 2018 (բրոնզ, 71x48x25)

Լեւոն Առաքելյան, 2018 (խառը տեխնիկա)

Սարին Ոսկեան, «Կոդավորված», 2019 (բրոնզ, ռեզին, 50x50x10)

Ռաֆայել Մանուկյան, «Հակառակ ուղղությամբ», 2016 (բրոնզ, ապակի, 77x35x35)

Գայ Ղազանչյան, «Պատերից դուրս», 2019 (բրոնզ, 43x60x42)

Ռոմեո Մելիքյան, «Պատերազմ 2», «Պատերազմ 1», 2014 (կտավ, յուղաներկ, 90x120)

Արման Համբարձումյան, «Վերացական սեր․ #4», 2018 (մետաղ, 97x133)

Հայկ Ղազարյան, «Իգնիս», 2019 (բրոնզ, 57x10x22)

Հակոբ Վարդանյան, «Երազ 2», 2018 (ապակի, սիլիկոն, յուղաներկ, փայտ, 17x102x7)

Լուսինե Սարգսյան, «Զարգացում-Հետզարգացում» շարքից (լինֆոգրություն, մոնոտիպիա, 56x44)

Սիլվա Մկրտչյան, «Արձագանք», 2018 (կտավ, յուղաներկ, 41x31)

Վահե Թեւոսյան, «Վալս» 2017 (կտավ, յուղաներկ, 110x185)

Տարոն Մանուկյան, Ինքնադիմանկար, 2017 (կտավ, յուղաներկ, 120x95)

Ժորա Գասպարյան, «Օդ», 2017 (կտավ, յուղաներկ, 100x200)

Ժորա Գասպարյան, «Օդ», հատված

Լուսինե Աբրահամյան, «Սեւաստոպոլյան փողոց», 2017 (կտավ, յուղաներկ, 80x140)

Հայդուկ Սմբատյան, «Անվերնագիր», 2017 (թուղթ, ջրաներկ, գուաշ, 30x23 (յուրաքանչյուրը))

Արման Օհանյան, «Հոգեբուժարան» շարքից, 2018 (կտավ, յուղաներկ, 70x50)

Հայկ Ղազարյան, «Ավրորա», 2019 (բրոնզ, 40x6x9)