Այս տարվա առաջին եռամսյակում Հայաստան է ներմուծվել 22 426 հատ ավտոմեքենա։ Ըստ Պետական եկամուտների կոմիտեի (ՊԵԿ)՝ 2018 թվականի նույն ժամանակաշրջանի համեմատ՝ այս ցուցանիշն աճել է 8 371-ով կամ 59.6 %-ով։

Մեկ ավտոմեքենայի միջին գանձումը այս տարվա առաջին եռամսյակում կազմել է շուրջ 432 հազար դրամ։ Վերջին տարիներին մեկ ավտոմեքենայի միջին գանձումը աստիճանաբար կրճատվել է:

2018 թվականին Հայաստան է ներմուծվել 67 255 հատ ավտոմեքենա։ Ինչպես ցույց են տալիս Պետական եկամուտների կոմիտեի տրամադրած տվյալները, 2017 թվականի համեմատ՝ ավտոմեքենաների ներմուծումն աճել է 27 973 հատով կամ 71.2 %-ով։

• Ավտոմեքենաների ներմուծումը Հայաստան 2018 թվականին աճել է 71.2 %-ով

Հայաստանն ավտոմեքենաներ է ներմուծում հիմնականում Գերմանիայից, Ճապոնիայից, Կորեայից, Վրաստանից, ԱՄՆ-ից և այլն։