HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

ՍԴ անդամի թեկնածու Գոռ Հովհաննիսյանը հանդիպում է «Իմ քայլը» խմբակցության հետ

Սահմանադրական դատարանի անդամի թեկնածու Գոռ Հովհաննիսյանն այս պահին դռնփակ հանդիպում է  անցկացնում «Իմ քայլը» խմբակցության պատգամավորների հետ։ Հովհաննիսյանն ընդդիմադիր «Լուսավոր Հայաստան» և «Բարգավաճ Հայաստան» խմբակցությունների հետ արդեն հանդիպել է։ Վաղը գումարվող նստաշրջանի օրակարգում է նաև ՍԴ անդամի ընտրության հարցը։ Հովհաննիսյանի խոսքով՝ «Լուսավոր Հայաստան» խմբակցության պատգամավորների հետ քննարկել է սահմանադրական իրավունքին առնչվող հարցեր։

«Ես մտածում եմ, որ տպավորությունը լավ էր, մեր զրույցն ինձ դուր եկավ, ջերմ մթնոլորտում հետաքրքիր զրույց էր, ու հուսով եմ, որ ես էլ եմ լավ տպավորություն թողել»,-լրագրողնեերի հետ զրույցում ասաց Գոռ Հովհաննիսյանը՝ անդրադառնալով ԼՀԿ պատգամավորների հետ հանդիպմանը։

Մեր հիշեցմանը, որ խորհրդարանում ՍԴ անդամի ընտրության ժամկետների փոփոխության նախագծի քննարկմանը վիճելի էր դարձել նոր թեկնածու տերմինը, ինքն ինչպե՞ս է այդ հարցը մեկնաբանում, Գոռ Հովհաննիսյանն ասաց.

«Օրենքի փոփոխության արդյունքում նոր թեկնածու տերմինը չի փոխվել, մնացել է նույնը»։

Հարցին, թե ստացվում է՝ ինքը ևս համակարծի՞ք է, որ նոր թեկնածու տերմինը նշանակում է նախկինում չառաջադրված թեկնածու, Հովհաննիսյանը դրական պատասխան տվեց։ 

Ինչ վերաբերում է իշխանության ներկայացուցիչների այն պնդումներին, որ եթե նախորդ գումարման խորհրդարանում առաջադրված ու մերժված թեկնածուն նոր գումարման խորհրդարանում դառնում է նոր թեկնածու, Հովհաննիսյանը հակադարձեց.
«Եթե ասում ենք, որ նախորդ խորհրդարանի որոշումը մեզ չի կաշկանդում, ուրեմն պետք է ասենք, որ նախորդ խորհրդարանի ընդունած ոչ մի օրենք մեզ այլևս չի կաշկանդում, և կստացվի, որ երկրում քաոս կտիրի, որովհետև ոչ մի նշանակություն չունի խորհրդարանի ընդունած որոշումների պարտադիրության տեսանկյունից, այն, որ խորհրդարանի կազմը փոխվել է ընտրությունների ընթացքում, էդ օրենքները պարտադիր են մեզ համար»։
Ինչ վերաբերում է այն հարցին, որ կարծես թե «Իմ քայլում» հակված չեն իր թեկնածությանը, Գոռ Հովհաննիսյանն ասաց, որ չի լսել նման բան, պատճառների մասին էլ տեղյակ չէ։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։