Ազգային ժողովի «Բարգավաճ Հայաստան» խմբակցության պատգամավորներ Գագիկ Ծառուկյանն ու Էդուարդ Բաբայանը քիչ առաջ Կառավարությունում էին: Վերջիններս շուրջ 30 րոպե շենքում գտնվելուց հետո լքեցին այն՝ չպատասխանելով լրագրողների հարցերին այն մասին, թե ինչու են ժամանել Կառավարություն:

Նշենք, որ Գագիկ Ծառուկյանին պատկանող «Արարատցեմենտ» ՓԲԸ-ի աշխատակիցներն արդեն մի քանի օր է՝ բողոքի ակցիաներ են իրականացնում:

Բացի այդ, Ազգային ժողովում այսօր պետք է քննարկվի Տնտեսական զարգացման և ներդրումների նախարարության հեղինակած «Պետական տուրքի մասին» և «Գործունեության իրականացման ծանուցման մասին» նախագծերում փոփոխություններ կատարելու փաթեթը, որով առաջարկվում է ներմուծվող ցեմենտի համար պետական տուրք սահմանել, որպեսզի տեղական արտադրողների շուկայական դիրքերը պահպանվեն: Չի բացառվում, որ Ծառուկյանը վերը նշված հարցերի քննարկման համար էր Կառավարությունում: