Կառավարության երրորդ մասնաշենքում տեղադրված ռումբի մասին ահազանգը կեղծ է եղել
Կառավարության երրորդ մասնաշենքի աշխատակիցները հետ են վերադարձել աշխատանքի. շենքում տեղադրված ռումբի մասին ահազանգը կեղծ է եղել։ Այս մասին «Հետք»-ին հայտնեցին Արտակարգ իրավիճակների նախարարությունից։
Ոստիկանությունից էլ հավելեցին, որ ձեռնարկվում են միջոցառումներ՝ կեղծ ահազանգի հեղինակին հայտնաբերելու ուղղությամբ։
Նշենք, որ մոտ մեկ ժամ առաջ ԱԻՆ-ը ահազանգ էր ստացել, որ Կառավարության երրորդ մասնաշենքում ռումբ կա տեղադրված, որի իսկությունը ստուգելու համար աշխատակիցներին շենքից տարհանել էին։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել