HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Կառավարությունը «Քրեակատարողական բժշկության կենտրոն»-ին 360 միլիոն դրամ հատկացրեց

Կառավարությունն այսօրվա նիստին որոշեց «Քրեակատարողական բժշկության կենտրոն» ՊՈԱԿ-ին հատկացնել 360 միլիոն դրամ՝ քրեակատարողական ծառայության պահպանման ծախսերից։ Այս գումարն ապահովելու է ՊՈԱԿ-ի բնականոն գործունեությունը, աշխատանքային պայմանները։

Հիշեցնենք, որ քրեակատարողական առողջապահության գործող համակարգի ինստիտուցիոնալ կառուցվածքում համակարգային խնդիրների լուծման նպատակով կառավարությունը 2018թ. մարտի 1-ի որոշեց ստեղծել այս ՊՈԱԿ-ը՝ քրեակատարողական հիմնարկներում պահվող կալանավորված անձանց և դատապարտյալների առողջության պահպանման և վերականգնման, նրանց բժշկական օգնություն ցուցաբերելու նպատակով։

Արդարադատության նախարարության հաղորդմամբ՝ «Քրեակատարողական բժշկության կենտրոն»-ը գործունեությունը պետք է սկսի հունիսի 15-ից։

«Կալանավորված անձանց և դատապարտյալների պատշաճ որակով բժշկական օգնության և սպասարկման ծառայությունների մատուցման բժշկական անձնակազմի մասնագիտական անկախության նպատակով քրեակատարողական բուժօգնության ծառայությունը քրեակատարողական վարչության ենթակայությունից այսուհետև դուրս է լինելու: Այս նպատակով ստեղծվել է «Քրեակատարողական բժշկության կենտրոն» պետական ոչ առևտրային կազմակերպությունը»,- գրված է կառավարություն ներկայացված որոշման նախագծում։

Նշենք, որ բժշկության կենտրոնը նաև առողջապահության ոլորտում գիտաբժշկական, փորձարարական հետազոտություններ, ուսումնասիրություններ կիրականացնի, մասնագետների համար շարունակական մասնագիտացված զարգացման ծրագրեր կմշակի, կալանավորված անձանց և դատապարտյալների մոտ բժշկական ու հիգիենիկ գիտելիքների և առողջ ապրելակերպի քարոզչություն կանի, քրեակատարողական բժշկության ոլորտում կառավարման, ֆինանսավորման, տնտեսավարման ժամանակակից մոդելներ, նորմատիվներ կմշակի։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter