HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Դիանա Ղազարյան

Աբովյանը կշարունակի ղեկավարել Վահագն Գևորգյանը. նա ՔՊ-ի թեկնածուին հաղթել է 395 ձայնով

Կենտրոնական ընտրական հանձնաժողովի նախնական տվյալներով՝ Աբովյանի քաղաքապետ է վերընտրվել գործող քաղաքապետ Վահագն Գևորգյանը։ Նրա օգտին քվեարկել է 8 453 աբովյանցի։ Գևորգյանը «Քաղաքացիական պայմանագիր» կուսակցության թեկնածու Գրիգոր Գուլյանին հաղթել է 395 ձայնով։

Գևորգյանն արդեն իր ֆեյսբուքյան էջում հայտարարել է հաղթանակի մասին. «Սիրելի աբովյանցիներ սիրում եմ բոլորիդ, հպարտանում եմ բոլորովդ։ Շնորհակալ եմ ընկերներիս, մեր թիմից, մեր ընտանիքներից։ Հաղթանակ!!! Շնորհավորում եմ ընկերության միջազգային օրը»,- նման գրառում է կատարել քաղաքապետը։

Ըստ ԿԸՀ տվյալների «Քաղաքացիական պայմանագիր» կուսակցության թեկնածու Գրիգոր Գուլյանը ստացել է 8 058 քվե, Սասուն Գրիգորյանը՝ 731 Արթուր Ղազարյանը՝ 139, իսկ Մանուկ Մկրտչյանը՝ 435 քվե։

Նշենք, որ Աբովյանում ընտրելու իրավունք ունեցող 44 519 քաղաքացուց ընտրության է գնացել 18 175-ը: 

Այստեղ առաջադրված էր համայնքի ղեկավարի հինգ թեկնածու։ Թեժ պայքարն ընթանում էր 2015 թվականից Աբովյանը ղեկավարող Վահագն Գևորգյանի և «Քաղաքացիական պայմանագիր» կուսակցության թեկնածու, Կոտայքի մարզպետարանի ֆինանսական և սոցիալ-տնտեսական զարգացման վարչության պետ Գրիգոր Գուլյանի միջև։

Աբովյանում կայացած ընտրությունը կարելի է համարել այսօրվա ընտրությունների ամենալարված նախընտրական և ընտրական պայքարը։ Այսօր անգամ պատգամավորներ են մեկնել Աբովյան՝ հետևելու ընտրական գործընթացին։ Իսկ Կոտայքի մարզպետ Ռոմանոս Պետրոսյանը շրջել է քաղաքի ընտրատեղամասերում և դրանցից մեկում «Բարգավաճ Հայաստան» կուսակցության հանձնաժողովի անդամի մոտ հայտնաբերել հեռախոսահամարներով ցուցակ և ընտրողների անուն-ազգանուններ։

Հիշեցնենք, որ այսօր տեղական ինքնակառավարման մարմինների ընտրություններ էին անցկացվում հանրապետության 23 համայնքում, որոնցից 14-ում ընտրությունները հերթական են, իսկ 9-ում՝ արտահերթ: Այդ համայնքներից 12-ում ընթանում են համայնքի ղեկավարի, 8 համայնքում` ավագանու անդամի, իսկ 3-ում՝ միաժամանակ համայնքի ղեկավարի և ավագանու անդամի ընտրություններ:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։