HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արաքս Մամուլյան

«Վահագն Հարությունյանը մինչ օրս թաքնվում է, մեր միջազգային գործընկերները տեղեկություն չեն տրամադրել». դատախազ

Վերաքննիչ քրեական դատարանում շարունակվում է Մարտի 1-ի գործով քննչական խմբի նախկին ղեկավար Վահագն Հարությունյանի նկատմամբ հայտարարված հետախուզումն օրինական համարելու առաջին ատյանի դատարանի որոշման դեմ նրա պաշտպան Միհրան Պողոսյանի բողոքի քննությունը: Դատախազ Պետրոս Պետրոսյանը ներկայացրեց բողոքի վերաբերյալ իր առարկությունները:

Անդրադառնալով պաշտպան Պողոսյանի հայտնած դիրքորոշմանը, թե վարույթն իրականացնող մարմինը քայլեր չի ձեռնարկել ստուգելու համար Վահագն Հարությունյանի՝ հիվանդանոցում գտնվելու, առհասարակ հիվանդ լինելու և այլ հանգամանքներ, հիշեցրեց, որ Հարությունյանը գտնվելիս չի եղել և չի գտնվում Հայաստանի Հանրապետության տարածքում, և հարցրեց, թե ինչպես պետք է այլ երկրում Հայաստանի իրավապահները կատարեին վերը նշված գործողությունները:

Ըստ Պետրոս Պետրոսյանի՝ վարույթն իրականացնող մարմինն օբյեկտիվորեն հանգել է այն հետևության, որ Հարությունյանն իսկապես թաքնվել է: «Վահագն Հարությունյանը մինչ օրս թաքնվում է, մեր միջազգային գործընկերները տեղեկություն չեն տրամադրել նրա վերաբերյալ»,- հայտարարեց դատախազը:

Պետրոսյանը հիշեցրեց, որ շուրջ 8 ամիս հետախուզման մեջ գտնվող Հարությունյանը երկու անգամ լրատվամիջոցներով կարծիք է հայտնել իր վերաբերյալ կայացվող որոշումների և կատարվող քրեադատավարական ընթացակարգերի վերաբերյալ՝ փորձելով տպավորություն ստեղծել, որ հասանելի է լրատվամիջոցների, հետևաբար նաև իրավապահների համար, սակայն, ըստ դատախազի, նա երբևէ ուղիղ հարցերին չի պատասխանել, թե երբ է պատրաստվում վերադառնալ:

Ըստ Պետրոսյանի՝ պաշտպան Միհրան Պողոսյանի փաստարկն այն մասին, թե Հարությունյանի նկատմամբ կալանքի որոշումները բեկանվել են, բայց հետախուզումը չի դադարեցվել, նշեց, որ անձի գտնվելու վայրը պարզելու համար կարող է հետախուզում հայտարարվել նաև այն դեպքում, երբ նրա նկատմամբ առհասարակ որևէ խափանման միջոց ընտրված չէ:

Պետրոսյանի խոաքով՝ հանգամանքը, որ անձը մինչ օրս իր քրեադատավարական պարտականությունը չի կատարել, օբյեկտիվ հիմք է՝ հանգելու հետևության, որ թաքնվում է: Դատական նիստն այսօր հետաձգվեց, հաջորդը հունիսի 25-ին է:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։