HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Վահե Գրիգորյանը պնդում է՝ դատավորի երդում տալուց հետո այլևս ընկերներ չի ունենալու քաղաքական համակարգում

Խորհրդարանում շարունակվում է Սահմանադրական դատարանի դատավորի ընտրության հարցը։ ՍԴ դատավորի թեկնածու Վահե Գրիգորյանին «Իմ քայլը» խմբակցության պատգամավոր Տաթևիկ Հայրապետյանն ասաց, որ «Իմ քայլի»-ի հետ փակ հանդիպման ժամանակ անդրադարձել են այն հարցին, որ Գրիգորյանն ընկերներ ունի իշխող խմբակցությունում։

«Խնդրում եմ մեկնաբանեք, թե որոնք են այդ հարաբերությունները և վերահաստատեք այն համոզմունքը, որ Պլատոնն իմ բարեկամն է, բայց ճշմարտությունն ամեն ինչից թանկ է»,- ասաց Հայրապետյանը։

Վահե Գրիգորյանն արձագանքեց՝ նույնիսկ չի ուզում թաքցնել, որ ընկերներ ունի իշխող խմբակցությունում։

«Ես ընկերներ ունեմ տարբեր քաղաքական կուսակցություններում, քաղաքական խմբավորումներում, և ոչ մի տարօրինակ բան չկա դրանում։ Իմ գործողություններն ամբողջությամբ քաղաքական ու քաղաքացիական իրավունքների պաշտպանությունն է եղել։ Իմ ծառայությունների հասցեատերերը եղել են մարդիկ, ովքեր եղել են այդ իրադարձությունների կիզակետում և հետապնդումների թիրախում են եղել»,- ասաց նա։

Գրիգորյանի համոզմամբ, սակայն, քաղաքական գործիչների հետ իր ընկերությունը հիմնված է գաղափարական հիմքի վրա, իսկ դա ամենևին էլ կուսակցական հիմքը չէ։

«Ընդհանուր նպատակները ժողովրդական Հայաստան ունենալու շուրջ են եղել, և անկախ նրանից նրանք իմ ընկերներն են, թե ոչ, դատավորի երդում տալու պահից հետո դատավորներն ընկերներ չեն ունենում այլևս»,- ասաց Գրիգորյանը։

Հիշեցնենք, որ խորհրդարանի նախագահ Արարատ Միրզոյանն ավելի վաղ լրագրողների հետ զրույցում ասել էր, որ մտերիմ հարաբերություններ ունի ՍԴ դատավորի թեկնածու Վահե Գրիգորյանի հետ։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter