HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արաքս Մամուլյան

Մելիք Մանուկյանի գործարանի մոտ տեղի ունեցած պայթյունի դեպքով քրեական գործ է հարուցվել սպանության փորձի հոդվածով

«Երևան–Սևան» ավտոմայրուղու վրա տեղի ունեցած պայթյունի դեպքի առթիվ Քննչական կոմիտեի Կոտայքի մարզային քննչական վարչությունում հարուցվել է քրեական գործ՝ Քրեական օրենսգրքի 34–104 –րդ հոդվածի 2–րդ մասի 6–րդ կետի (շատերի կյանքի համար վտանգավոր եղանակով սպանության փորձը) և 235 –րդ հոդվածի 1–ին մասի (ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը) հատկանիշներով: Այս մասին «Հետք»-ի հարցին ի պատասխան հայտնեցին քննչական կոմիտեից:

Այս պահին իրավապահներն աշխատում են դեպքի վայրում, քննչական կոմիտեն նոր մանրամասներ չի հայտնում:

Նշենք, որ պայթյունը տեղի է ունեցել այսօր՝ Երևան–Սևան ավտոմայրուղու վրա՝ ԱԺ պատգամավոր Մելիք Մանուկյանի ապակե տարաների գործարանի մոտ:

Միջադեպի հետևանքով վնասվել է կամուրջի եթևեկելի հատվածը, երկու ավտոմեքենա՝ Range Rover մակնիշի 555 LL 05 համարանիշի և Nissan մակինիշի 35 MD 686 համարանիշի ավտոմեքենաները։

Նախնական տեղեկություններով՝ Range Rover-ը պատկանում է Ազգային ժողովի նախկին պատգամավոր, գործարար «Շշի Մելո» մականվամբ՝ Մելիք Մանուկյանին: Տեղի ունեցած միջադեպի հետևանքով զոհեր և վիրավորներ չկան:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter