HY RU EN
Տեսանյութեր Լուսանկարներ Փոդքասթ
հետք հետաքննող լրագրողներ
HY RU EN
Asset 3

Բեռնվում է ...

 Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Նիկոլ Փաշինյանի շնորհավորական ուղերձն Արցախի Հանրապետության օրվա առթիվ

Նիկոլ Փաշինյանի շնորհավորական ուղերձն Արցախի Հանրապետության օրվա առթիվ.

«Արցախի Հանրապետության հպա՛րտ քաղաքացիներ,
Սիրելի՛ հայրենակիցներ,

Շնորհավորում եմ Արցախի Հանրապետության հռչակման օրվա առթիվ:

Այս օրը պատմական է բոլորիս՝ Հայաստանի, Արցախի, Սփյուռքի, համայն հայության համար. 28 տարի առաջ այս օրն Արցախը հռչակվեց Հանրապետություն, փաստացի անկախանալով Խորհրդային Ադրբեջանից և բռնեց անկախ պետականության կերտման ուղին: Այդ ուղին լի էր փորձություններով և հաջողություններով, կորուստներով և ձեռքբերումներով, պատերազմներով և հաղթանակներով: Արցախյան ազատամարտը հայ ժողովրդի պատմության փայլուն էջերից է և մեր հավաքական հպարտության մարմնավորումը: Պատմական այդ օրվանից անցել է 28 տարի, և ազատ ու անկախ Արցախն այսօր կայացած քաղաքական և պատմական իրողություն է:

Սիրելի՛ հայրենակիցներ,

Հայ ժողովրդի հաղթանակների գրավականը մեր միասնությունն է, մեր միահամուռ ու անկոտրում կամքը՝ հանուն ազատության, հանուն անկախության, հանուն մեր ազգային ինքնության պահպանման ու զարգացման: Հենց այդպես են կերտվել մեր համազգային հաղթանակները: Հենց այդպիսի համաժողովրդական միասնության մարմնացում էր նաև թավշյա հեղափոխությունը, որի հիմքում պայքարն էր հանուն ավելի ազատ, ժողովրդավար ու զարգացող հայրենիքի։ Թավշյա հեղափոխության արժեքները համահայկական արժեքներ են, և այդ արժեքները շարունակաբար արմատավորվելու են ողջ հայության շրջանում՝ Հայաստանում, Արցախում և Սփյուռքում: 

Հայաստանի և Արցախի անվտանգությունը մեր բոլորիս առաջնահերթությունն է: Արցախի ճակատագիրը գտնվում է ողջ հայության ուշադրության կենտրոնում, և մենք շարունակելու ենք ջանքերը՝ Արցախի ժողովրդի ինքնորոշման և անվտանգության համար մղված Արցախյան ազատամարտի արդյունքների պաշտպանության, խնդրի խաղաղ և արդարացի լուծման հասնելու ուղղությամբ։ 

Սիրելի՛ արցախցիներ,

Կրկին շնորհավորում եմ բոլորիս Արցախի Հանրապետության օրվա առթիվ։

Փա՛ռք ու պատիվ մեր հերոսներին, ովքեր կյանքը չխնայեցին և չեն խնայում հանուն Արցախի:
Փա՛ռք Արցախի հերոսական ժողովրդին: 
Փա՛ռք միասնական և հաղթանակած հայ ժողովրդին»:

Մեկնաբանություններ (1)

MVG
“Azerbaijan has neither legislative, nor political and historical arguments which could become a platform for claiming Nagorno Karabakh,” said political scientist Alexander Manasian Political scientist at today’s presentation of the book featuring ways of settlement to the Karabakh conflict. Alexander Manasian said that issues of self-determination and territorial integrity became the key issues in the Karabakh talks. “The territorial integrity of Azerbaijan isn’t a result of any legislative document, as it should come into being by act of self-determination; however, this didn’t happen. So, the principle of territorial integrity in relation to Azerbaijan is of no earthly reason in the juridical sense,” he said. The expert also pointed at the importance of publication of the book “Solutions for Nagorno Karabakh/Artsakh: Self-Determination And Recognition,” which was put out in Germany where Turkish and Azerbaijani communities will be able to receive neutral information based on facts. "The international community had better raise the issue of liberating the territories occupied by Azerbaijan. Meanwhile, today, they are speaking about the liberation of Azerbaijani "occupied lands," said Manasian. "If we ask the world to recognize Karabakh independence, we constitute that Karabakh is a part of Azerbaijan and beg for its separation. Let me mention that Azerbaijan has not gained independence to date. The country has held neither a referendum nor determined its borders since it seceded from the USSR," said the political scientist. "The main task of our officials is to alter that image," Manasian concluded. ??????

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter