1 միլիարդ 665 միլիոն դրամ տրամադրվեց ուսուցիչների աշխատավարձերի բարձրացման նպատակով
Ուսուցիչների աշխատավարձերի բարձրացման նպատակով Կառավարությունը 1 միլիարդ 665 միլիոն դրամ հատկացրեց Կրթության, գիտության, մշակույթի և սպորտի նախարարությանը։
Գումարը նախարարությանը փոխանցվեց պետական բյուջեից։
Նախարարության հաղորդմամբ՝ նախատեսվում է հանրապետության հանրակրթական ուսումնական հաստատություններում աշխատող մանկավարժների աշխատավարձերը 10 %-ով ավելացնել։
«Հանրակրթական ուսումնական հաստատություններում աշխատող մանկավարժների աշխատավարձերի բարձրացումը կնպաստի մանկավարժի աշխատանքի խրախուսմանը»,- Կառավարություն ներկայացված որոշման նախագծում հայտնել է Կրթության, գիտության, մշակույթի և սպորտի նախարարությունը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանություններ (1)
Մեկնաբանել