HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Դիանա Ղազարյան

Արտոնություն տրվեց ՀՔԾ գլխավոր քարտուղարի ընկերությանը

Կառավարությունն այսօրվա նիստին որոշեց ավելացնել Հատուկ քննչական ծառայության գլխավոր քարտուղար Դավիթ Սուքիասյանին պատկանող «ՄԼ մայնինգ» ընկերության արտոնության ծավալը։

Մասնավորապես՝ փոփոխություն կատարվեց ընկերության՝ մայիսի 23-ին հատկացված ապրանքների ցանկում, դրանց թիվը ավելացավ։ Նշենք, որ մայիսի 23-ին Կառավարությունը որոշեց «ՄԼ մայնինգ» ընկերության ապրանքները ազատել ներմուծման մաքսատուրքից։

«Անհրաժեշտություն է առաջացել ընդլայնել երկրների ցանկը, ավելացնել ապրանքների քանակը և ներմուծել լրացուցիչ խմբաքանակ` առաջիկա արտադրական պրոցեսի բնականոն ընթացքը չխաթարելու համար»,- հայտնել է Էկոնոմիկայի նախարարությունը։

«ՄԼ Մայնինգ» ընկերությունը հայտնել է, որ ստեղծել է 7 նոր աշխատատեղ և իրականացվել է 200 մլն դրամի ներդրում: Ընկերությունը, պայմանավորված շինարարության և արտադրության ծավալների աճով, խոստացել է այս արտոնության արդյունքում ստեղծել 80-100 նոր աշխատատեղ և իրականացնել մոտ 2 մլրդ դրամի ներդրում:

Նշենք, որ «ՄԼ Մայնինգ» ընկերությունը հիմնադրվել է 2003 թվականին, դրա 100 տոկոս բաժնետերը ՀՔԾ-ի գլխավոր քարտուղար Դավիթ Սուքիասյանն է։

Ընթերցեք նաև

ՀՔԾ աշխատակազմի ղեկավարի բիզնես կապերը հանքարդյունաբերության ոլորտում

ՀՔԾ աշխատակազմի ղեկավարն ընդլայնում է հանքարդյունաբերական բիզնեսը

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter