HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արաքս Մամուլյան

Ռոբերտ Քոչարյանի, Յուրի Խաչատուրովի, Սեյրան Օհանյանի և Արմեն Գևորգյանի գործի քննությունը սկսվեց

Երևան քաղաքի ընդհանուր իրավասության դատարանում րոպեներ առաջ մեկնարկեց Հայաստանի երկրորդ նախագահ Ռոբերտ Քոչարյանի, ՀԱՊԿ նախկին գլխավոր քարտուղար Յուրի Խաչատուրովի, ՊՆ նախկին նախարար Սեյրան Օհանյանի և նախկին փոխվարչապետ Արմեն Գևորգյանի վերաբերյալ Մարտի 1-ից անջատված մասով գործի քննությունը:

Այս գործով կալանքի տակ գտնվող միակ ամբաստանյալը՝ Ռոբերտ Քոչարյանը, «Երևան-Կենտրոն» քրեակատարողական հիմնարկից բերվել է դատարան: Դատարան են եկել նաև ազատության մեջ գտնվող ամբաստանյալներ Յուրի Խաչատուրովը, Սեյրան Օհանյանը, Արմեն Գևորգյանը: Վերջինս դատարան եկավ բարձր տրամադրությամբ, ժպիտով, նշեց, որ հարցերի չի ցանկանում պատասխանել:

ՊՆ նախկին նախարար Սեյրան Օհանյանն ասաց, որ դատարանից ակնկալում է արդարություն: Գեներալ Յուրի Խաչատուրովը լրագրողների հարցերին չպատասխանեց:

Նախկին բարձրաստիճան պաշտոնյաները մեղադրվում են 2008-ի նախագահական ընտրություններին հաջորդող օրերին Հայաստանի սահմանադրական կարգը տապալելու կամ տապալելուն օժանդակելու կամ փողերի լվացման մեջ:

Դատարանի դիմաց այս պահին շարունակվում է ամբաստանյալների դեմ և հանուն ամբաստանյալների բողոքի ակցիան, որը մեկնարկել էր ժամեր առաջ: Քաղաքացիների միայն մի մասն է կարողացել դատական նիստերի դահլիճ մտնել, քանի որ տեղերը ներսում արդեն լրացել են: Դատարանում են նաև տուժողներից, տուժողների իրավահաջորդներից ոմանք: Ներկա են նաև Երևան քաղաքի դատախազ Գևորգ Բաղդասարյանը և գործի նկատմամբ դատավարական հսկողություն իրականացնող դատախազ Պետրոս Պետրոսյանը:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter