HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արաքս Մամուլյան

Նորքի զինված խմբի գործով ամբաստանյալ Արթուր Վարդանյանը 1 մլն դրամ գրավի դիմաց ազատ արձակվեց

Երևան քաղաքի ընդհանուր իրավասության դատարանը, դատավոր Մեսրոպ Մակյանի նախագահությամբ, քիչ առաջ որոշեց 1 մլն դրամ գրավի դիմաց ազատ արձակել Նորքի զինված խումբ անունը ստացած գործով ամբաստանյալ Արթուր Վարդանյանին: Վերջինս արգելանքից ազատվեց հենց դատարանի դահլիճից:

Վարդանյանը անազատության մեջ էր 2015 թվականի նոյեմբերից:

Հիշեցնենք, որ 2015-ի նոյեմբերի 25-ին ԱԱԾ-ն հայտարարություն տարածեց այն մասին, որ Նորք–Մարաշում վնասազերծվել է զինված խումբ:

Ըստ մեղադրանքի՝ Արթուր Վարդանյանի գլխավորած՝ 2015 թվականին Նորք-Մարաշում վնասազերծված 20 հոգանոց զինված խումբը ծրագրել է բռնությամբ զավթել իշխանությունը: Մասնավորապես, թռիչքի պահին խոցել նախագահի օդանավը, հարձակում գործել ՀՀ նախագահի նստավայրի, Ազգային ժողովի, Սահմանադրական դատարանի, Կառավարության, Հանրային հեռուստաընկերության եւ այլ հաստատությունների շենքերի վրա:

Արթուր Վարդանյանին գրավի դիմաց ազատ արձակելու միջնորդությունը նրա պաշտպանները ներկայացրել էին այսօր տեղի ունեցած դատական նիստի ընթացքում:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։