HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արաքս Մամուլյան

Գագիկ Խաչատրյանի կալանքի դեմ բողոքը կքննի դատավոր Ռուբիկ Մխիթարյանը, Կարեն Խաչատրյանի բողոքը մակագրվել է Անդրանիկ Մնացականյանին

ՊԵԿ նախկին նախագահ Գագիկ Խաչատրյանի նկատմամբ  կալանավորումը որպես խափանման միջոց ընտրելու որոշման դեմ նրա պաշտպանների բողոքը Վերաքննիչ դատարանում կքննի դատավոր Ռուբիկ Մխիթարյանը: Նրա եղբորորդու՝ Կարեն Խաչատրյանի բողոքը մակագրվել է դատավոր Անդրանիկ Մնացականյանին: Այս մասին «Հետքը» տեղեկացավ Վերաքննիչ դատարանից:

Խաչատրյանների պաշտպանները պահանջում են բեկանել առաջին ատյանի դատարանի դատավոր Արտուշ Գաբրիելյանի և Ռոբերտ Պապոյանի որոշումներն ու իրենց պաշտպանյալներին ազատ արձակել: Երկու բողոքների գործով արդեն դատական նիստեր են նշանակվել:

Հիշեցնենք, որ օգոստոսի 27-ին Ազգային անվտանգության ծառայության քննչական դեպարտամենտը խուզարկություններ է իրականացրել Գագիկ Խաչատրյանի և նրա հետ կապված անձանց, այդ թվում՝ նրա եղբորորդի Կարեն Խաչատրյանին պատկանող տարածքներում, նույն օրը Խաչատրյանները ձերբակալվել են, որից օրեր անց՝ կալանավորվել:

Կարեն Խաչատրյանին կալանավորելու որոշումը կայացրել է առաջին ատյանի դատարանի դատավոր Ռոբերտ Պապոյանն, իսկ Գագիկ Խաչատրյանը կալանավորվել է դատավոր Արտուշ Գաբրիելյանի որոշմամբ:

Խաչատրյաններին պատկանող տարածքներում խուզարկություն կատարելու գործողությունների ընթացքում ԱԱԾ նախկին տնօրեն Արթուր Վանեցյանը լրագրողների հետ ճեպազրույց է ունեցել ու հայտնել, որ քրեական գործը վերաբերում է Գագիկ Խաչատրյանի՝ ՊԵԿ նախագահ եղած ժամանակ այդ կառույցում տեղի ունեցած ենթադրյալ չարաշահումներին: Խոսքն, ըստ Արթուր Վանեցյանի, տասնյակ միլիոնավոր դոլարների մասին է:

Քրեական գործի շրջանակներում Գագիկ Խաչատրյանը մեղադրվում է պաշտոնեական դիրքի չարաշահման և առանձնապես խոշոր չափի վատնում կատարելու համար, իսկ Կարեն Խաչատրյանին վերագրվում է միայն վատնում կատարելու արարք:

Լուսանկարում՝ աջից Անդրանիկ Մնացականյանը, Ռուբիկ Մխիթարյանը

 

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter