HY RU EN

Տաթևիկ Շալջյան

Եհովայի վկաներն ու Հ1-ը հաշտության բանակցություններ են վարում

Այսօր Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում տեղի ունեցավ «Եհովայի վկաներ» քրիստոնեական կրոնական կազմակերպության պատիվն ու արժանապատվությունն արատավորող տեղեկությունների հերքումը տարածելուն, պատասխանը հրապարակելուն և փոխհատուցում վճարելուն պարտավորեցնելու գործով դատական նիստն ընդդեմ Հանրային հեռուստատեսության:

Հիշեցնենք, որ նախորդ նիստին կողմերը դատարանին ներկայացրեցին իրենց տեսակետները, թե որոնք են դիտում զրպարտույթուն և վիրավորանք:

Այսօրվա նիստը հետաձգվել է: Հայցվորի փաստաբան Արթուր Մարտիրոսյանը մեզ հետ զրույցում տեղեկացրեց, որ կողմերը ցանկանում են հաշտության գալ: 

Հիշեցնենք, որ Հանրայինը դեռ վաղուց համաձայնել է հաշտություն կնքել հայցվորի հետ: Այժմ տարվում են բանակցություններ' կապված հաշտության տեքստի հետ: