HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Ժաննա Սարգսյան

Լենինգրադյանի հրդեհն ու հրշեջները (վիդեո)

Երեկ` ժամը 15.00-ի սահմաններում մայրաքաղաքի Լենինգրադյան փողոցի թիվ 30 շենքի պատշգամբներից մեկում հրդեհ էր բռնկվել, որի վերաբերյալ ԱԻ նախարարությունը խոստացել է լրացուցիչ տեղեկատվություն տրամադրել: Ըստ հաղորդագրության՝ դեպքի վայր էր մեկնել հրշեջների երկու մարտական հաշվարկ և մեկ ավտոսանդուղք:

Ականատես Սամվել Հովհաննիսյանը «Հետքին» է տրամադրել հրդեհը և հրշեջ-ջոկատի աշխատանքը պատկերող տեսանյութ: Ս. Հովհաննիսյանի վկայությամբ՝ ժամանած առաջին ջոկատը պատշաճ արագությամբ չի աշխատել, ավտոսանդուղք չի եղել, որպեսզի հրշեջները բարձրանան այրվող բնակարան: Օգնության հասած երկրորդ մեքենայի սանդուղքը ևս չի օգտագործվել:

«Չգիտեմ՝ թե երբ էին զանգել ու քանի րոպեից եկան, բայց որ եկան, շատ դանդաղ էին աշխատում: Խեղճի տունը վառվեց, պրծավ, նոր սկսեցին հանգցնել»,- պատմում է Ս. Հովհաննիսյանը:

Ըստ ԱԻՆ հաղորդագրության` Մ.Թադևոսյանին պատկանող բնակարանի պատշգամբում այրվել է աղբ և պատշգամբի դուռը:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter