Գործադիրը 268 միլիոն դրամ հատկացրեց ջրամատակարարման համակարգի վերակառուցման աշխատանքներ կատարելու համար
Մարզերում ջրամատակարարման համակարգերի վերակառուցման աշխատանքների նախագծանախահաշվային փաստաթղթերի ձեռքբերման նպատակով Կառավարությունը 268 միլիոն դրամ հատկացրեց։
Այս գումարը տրամադրվելու է Տարածքային կառավարման և ենթակառուցվածքների նախարարությանը, որն էլ որպես նվիրաբերություն՝ այն փոխանցելու է Հայաստանի տարածքային զարգացման հիմնադրամին։
«Հայաստանի Հանրապետությունում ջրամատակարարումն իրականացվում է սահմանված գրաֆիկով, քանի որ բաշխիչ ցանցից հոսակորուստը մեծ տոկոս է կազմում, ուստի անհրաժեշտություն է առաջացել իրականացնել ջրամատակարարման համակարգի վերակառուցման աշխատանքներ»,- հայտնել է Տարածքային կառավարման և ենթակառուցվածքների նախարարությունը։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել