Գյումրու ավտոմաքսատան շինաշխատանքների համար 970 միլիոն դրամ տրամադրվեց
Գյումրու ավտոմաքսատան բետոնապատման և ասֆալտապատման աշխատանքների համար Կառավարությունը 970 միլիոն դրամ հատկացրեց Պետական եկամուտների կոմիտեին։
Գումարը փոխանցվեց՝ պայմանով, որ սահմանված կարգով ծրագրի իրականացման համար հաստատված և փորձաքննություն անցած ամփոփ նախագծանախահաշվային փաստաթղթերը կներկայացվեն Կառավարություն:
Նշենք, որ ապրիլին՝ Արարատյան մաքսատան-վարչության ավտոտրանսպորտային միջոցների մաքսային ձևակերպումների Նորագավիթի բաժանմունք այցից հետո, վարչապետը հանձնարարել էր իրականացնել ուսումնասիրություններ ավտոմեքենաների մաքսազերծման գործընթացը Գյումրի քաղաք տեղափոխելու նպատակով:
Նախնական հաշվարկներով Գյումրու ավտոմաքսատան կառուցման, ենթակառուցվածքների ստեղծման համար անհրաժեշտ է շուրջ 2.5-2.7 մլրդ դրամ:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել