Փորձագիտական եզրակացություն

ք. Երևան

Ի կատարումն Հայաստանի Հանրապետության աշխատանքի և սոցիալական հարցերի նախարարության Հայաստանի Հանրապետության բժշկասոցիալական փորձաքննության գործակալության (այսուհետ` Գործակալություն) պետի 17.11.2011 թ. թիվ 58 հանձնարարականի` Պետրոս Արայիկի Բադալյանին վերադասության կարգով վերափորձաքննություն նշանակելու մասին` ստեղծվել է աշխատանքային խումբ հետևյալ կազմով` «Վնասվածքաբանության և օրթոպեդիայի գիտական կենտրոն» ՓԲԸ-ի գլխավոր բժիշկ, բ.գ.թ. Վլադիմիր Խաչիկի Ամիրբեկյան, «Ճառագայթային բժշկության և այրվածքների գիտական կենտրոն» ՓԲԸ այրվածքների բաժանմունքի վարիչ Հրայր Հրանտի Հակոբյան, նույն  բաժանմունքի բժիշկ-այրվածքաբան Կարինե Յուրիի Բաբայան, Գործակալության փորձաքննական բաժնի պետ Բելլա Հովհաննիսյան, նույն բաժնի գլխավոր մասնագետներ Նելա  Մնացականյան, Սարգիս Առաքելյան, Նելլի Հովակիմյան:

«Ճառագայթային բժշկության և այրվածքների գիտական կենտրոն» ՓԲԸ այրվածքների բաժանմունքի բժիշկ-այրվածքաբան Կարինե Յուրիի Բաբայանը բուժել է Պետրոս Բադալյանին և տեղյակ է վերջինիս առողջական խնդիրներին: Վնասվածքաբանության և օրթոպեդիայի գիտահետազոտական կենտրոնի գլխավոր բժիշկ, բ.գ.թ. Վլադիմիր Խաչիկի Ամիրբեկյանն իրենց կենտրոնում` այլ հանձնաժողովի կազմում, զննել է Պ. Բադալյանին և նույնպես տեղյակ է երեխայի առողջական խնդիրներին: Քննարկմանը մասնակցում էր նաև «Հետք online» թերթի թղթակից Վահե Սարուխանյանը:

Հայրը` Արայիկ Բադալյանը, նախօրոք տեղեկացված լինելով 14.02.12 թ. նշանակված ընդլայնված կազմով վերափորձաքննության մասին, երեխային փորձաքննությանը չի ներկայացրել:

ՀՀ ԱՆ մասնագետների և բժշկասոցիալական փորձագետների խումբը,  ուսումնասիրելով  Պ. Բադալյանի ԲՍՓ գործում առկա բժշկական  փաստաթղթերը, ծանոթացավ ՀՀ կառավարության 13.06.03 թ. թիվ 780-Ն որոշմամբ հաստատված բժշկասոցիալական փորձաքննության ժամանակ օգտագործվող դասակարգիչներին և հաշմանդամության խմբերի սահմանման չափանիշներին, ծանոթացավ երեխաների մոտ կենսագործունեության սահմանափակման հանգեցնող օրգանիզմի ֆունկցիաների խանգարման ձևերի և աստիճանների, կենսագործունեության սահմանափակման  տեսակների և աստիճանների, նրանց  գնահատման չափանիշներին:

Պ Ա Ր Զ Ե Ց

Իրականացված երկարատև բուժական և վերականգնողական միջոցառումների արդյունավետության հետևանքով Պետրոս Բադալյանի մոտ առկա են աջ արմնկային հոդի շրջանի հետայրվածքային կելլոիդ սպիներ, աջ արմնկային հոդի թեթև տարածիչ կոնտրակտուրա, առանց վերջույթի ֆունկցիայի խանգարման:

ԵԶՐԱԿԱՑՈՒԹՅՈՒՆ 

Պ. Բադալյանի մոտ ախտորոշված հետայրվածքային սպիները և արմնկային հոդի թեթև տարածիչ կոնտրակտուրան, վերջույթի ֆուկցիայի խանգարումների բացակայությունը չի հանգեցրել կենսագործունեության որևէ տեսակի և աստիճանի սահմանափակման, ուստի, ղեկավարվելով ՀՀ կառավարության 13.06.03 թ. թիվ 780-Ն որոշմամբ հաստատված բժշկասոցիալական փորձաքննության ժամանակ օգտագործվող դասակարգիչներով  և հաշմանդամության խմբերի սահմանման չափանիշներով, «հաշմանդամ երեխա» կարգավիճակի չի սահմանվում:

«Վնասվածքաբանության և օրթոպեդիայի գիտական կենտրոն» ՓԲԸ գլխավոր բժիշկ, բ.գ.թ. Վլադիմիր Խաչիկի Ամիրբեկյան

«Ճառագայթային բժշկության և այրվածքների գիտական կենտրոն» ՓԲԸ այրվածքների բաժանմունքի վարիչ Հրայր Հրանտի Հակոբյան

«Ճառագայթային բժշկության և այրվածքների գիտական կենտրոն» ՓԲԸ այրվածքների բաժանմունքի բժիշկ-այրվածքաբան Կարինե Յուրիի Բաբայան

ՀՀ ԲՍՓԳ փորձաքննական բաժնի  պետ Բելլա Հովհաննիսյան

Գլխավոր մասնագետներ` 

Նելա Մնացականյան, Սարգիս Առաքելյան, Նարինե Մելոյան, Նելլի Հովակիմյան

14.02.2012 թ.