Տեսանյութեր
Լուսանկարներ
Համայնքապատկան ապօրինի շինությունների գրանցման պետական տուրքը տարաժամկետելու նախագիծն առաջին ընթերցմամբ ընդունվեց
Խորհրդարանն առաջին ընթերցմամբ ընդունեց Կառավարության ներկայացրած «Պետական տուրքի մասին» և «Գույքի նկատմամբ ապահովված իրավունքների գրանցման մասին» նախագծերի փաթեթը, որով առաջարկվում է համայնքապատկան ապօրինի շինությունների գրանցման տուրքը տարաժամկետել երկու տարով։
Նախագծերի փաթեթն ընդունվեց միաձայն՝ 101 կողմ ձայնով։
Հիշեցնենք, որ այս արտոնությունը տրվելու է ոչ թե ֆիզիկական անձանց, այլ համայնքներին. եթե համայնքապատկան հողի վրա կառուցվել է ապօրինի շինություն, և համայնքը ցանկանում է այն գրանցել, ապա հնարավորություն է ստանում պետական տուրքը վճարել տարաժամկետ սկզբունքով, այլ ոչ թե միանգամից։
Նախագիծը դեռևս պետք է քննարկվի նաև երկրորդ ընթերցմամբ։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել