HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Հերգնյան

Ավտոմեքենաների ներմուծումը նոր թափ է ստացել. 114 հազար մեքենա՝ 9.5 ամսում

Այս տարվա սկզբից մինչև հոկտեմբերի 14-ը Հայաստան է ներմուծվել շուրջ 114 հազար ավտոմեքենա։

Սա մոտ 60 հազարով ավելին է 2018 թվականի նույն ժամանակաշրջանի ցուցանիշից։

Ինչպես այսօրվա ասուլիսին տեղեկացրեց ՊԵԿ նախագահ Դավիթ Անանյանը, այս տարի ավտոմեքենաների ներմուծումից գանձվել է շուրջ 51 մլրդ դրամի մաքսատուրք, որը 27 մլրդ դրամով ավել է նախորդ տարվա նույն ժամանակաշրջանում գանձված մաքսատուրքից։

Այս տարի աննախադեպ ծավալի ավտոմեքենա է ներմուծվում Հայաստան, որի պատճառը եկող տարվանից մաքսատուրքերի սպասվող բարձրացումներն են։ 2020 թվականից ոչ ԵԱՏՄ երկրներից Հայաստան ներմուծվող ավտոմեքենաների մաքսատուրքերը բարձրանալու են և համապատասխանեցվելու են ԵԱՏՄ հավաքական մաքսային վճարներին։ Ընդ որում՝ տեսանելի է, որ ավտոմեքենաների ներմուծումը ավելի մեծ թափ է ստացել առաջին կիսամյակից հետո։ Ըստ Մաքսային ծառայության՝ այս տարվա առաջին կիսամյակում ներմուծվել է շուրջ 53 հազար ավտոմեքենա։ Ստացվում է, որ հաջորդող 3.5 ամիսներին ներմուծվել է 61 հազար ավտոմեքենա։

Սակայն, ինչպես սպասվում է, 2020 թվականի սկզբից այս տեմպը չի պահպանվի. մաքսատուրքերի բարձրացմանը զուգահեռ կնվազի ավտոմեքենաների ներմուծումը։ Հետևաբար կնվազի նաև ավտոմեքենաների մաքսազերծման արդյունքում բյուջե հոսող գումարների ծավալը։

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։