Տեսանյութեր
Լուսանկարներ
550 միլիոն դրամ հափշտակածներից մեկն ազատվել է Ստեփանավանի աղբահանության ՀՈԱԿ-ի տնօրենի պաշտոնից
Ստեփանավանի քաղաքապետի որդու հետ 550 միլիոն դրամ հափշտակած, հետագայում նոր պաշտոն ստացած Հրաչյա Սուքիասյանն ազատվել է Ստեփանավանի աղբահանության ՀՈԱԿ-ի տնօրենի պաշտոնից` սեփական դիմումի համաձայն:
Այս մասին «Հետք»-ին հայտնեցին Ստեփանավանի քաղաքապետարանից: «Ստեփանավանի աղբահանություն իրականացնող կազմակերպության պետ նշանակված Հրաչյա Սուքիասյանը ժամանակավոր պաշտոնակատար էր ի սկզբանե, և սահմանված էր երեք ամիս ժամկետ. այդ ժամկետը լրացել է, և Հրաչյա Սուքիասյանն, իր դիմումի համաձայն, ազատվել է աշխատանքից, այդ պաշտոնում առաջարկվում է Սամվել Խարազյանի թեկնածությունը, որը զբաղեցնում էր տեղակալի պաշտոնը և այժմ պետի ժամանակավոր պաշտոնակատար է»,- հայտնեց քաղաքապետի մամուլի քարտուղարը:
«Հետք»-ը գրել էր, որ Ստեփանավանի քաղաքապետի որդու` Ալբերտ Ղարաքեշիշյանի հետ հանցավոր սխեմայի մասնակիցները տարբեր պաշտոններում են նշանակվել Ստեփանավանի աղբահանության նորաստեղծ ՀՈԱԿ-ում:
Մեկնաբանել