HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Նիկոլ Փաշինյանը` Մելինե Դալուզյանի (Մել) մասին. «Թույլ չեմ տա, որ Հայաստանի դրոշը բարձրացրած մարդուն գցեն ոտքերի տակ»

Վարչապետ Նիկոլ Փաշինյանն ԱԺ-Կառավարություն հարցուպատասխանին անդրադարձավ ծանրորդ Մելինե Դալուզյանին (Մել) նվիրված «Մել» ֆիլմին, որի ֆինանսավորման հարցում մասնաբաժին ունի նաև Կառավարությունը: Վարչապետն ասաց, որ ֆիլմի ֆինանսավորման փուլից տեղյակ չի եղել, սակայն հպարտ է, որ մշակույթի նախարարությունը նման որոշում է կայացրել: Փաշինյանն ասաց, որ եթե ինքն այդ հարցում որոշում կայացնելիս լիներ, ապա կառաջնորդվեր հետևյալ տրամաբանությամբ, թե ֆիլմն ում մասին է նկարահանվելու:

«Մի մարդու մասին, որը Եվրոպայի եռակի չեմպիոն է և ռեկորդակիր, և որի չեմպիոնության պատվին Հայաստանի դրոշը երեք անգամ բարձրացվել է, հիմնը` հնչել: Մարդը ունեցել է պրոբլեմ, որը ամենևին նորություն չէ մեր իրականության մեջ, ունի կոնկրետ բժշկական պարամետրեր, և այդ պրոբլեմի պատճառով հասել է ինքնասպանության եզրին: Մարդը, որի պատվին երեք անգամ դրոշը բարձրացվել է, և հիմնը հնչել է, էդ պրոբլեմի պատճառով հասել է ինքնասպանության եզրին, երբ պրոբլեմի մասին սկսել են իմանալ հանրության արձագանքի պատճառով հասել է ինքնասպանության եզրին: Հետո հասկացել է, որ միակ ճանապարհը Հայաստանից հեռանալն է, սակայն ժամանակակից աշխարհը հնարավորություն է տալիս, որ այդ պրոբլեմը լուծվի վիրահատական ճանապարհով, չնայած մարդիկ ասում են` եթե Աստված իրենց այդպես է ստեղծել, բայց, կներեք, էրեխեք կան սրտի արատով են ծնվում, եկեք թողնենք ոնց կա, նենց մնա»,-ասաց Փաշինյանը:

Վարչապետի խոսքով` եթե ինքը լիներ ուղղակի ՀՀ քաղաքացի և իմանար, որ կառավարությունը մերժել է չեմպիոնի մասին ֆիլմի նկարահանմանն աջակցել, կմտածեր, որ Հայաստանի կառավարությունը երախտամոռ է:

«Որովհետև էս մարդը վաստակ ունի մեր պատմության մեջ, այսինքն՝ եթե մարդը վաստակով համապատասխանում է մեր պատկերացումներին, մենք իր հետ պրոբլեմ չունենք, բայց երբ խնդիր ունի, տառապանք ունի, խաչ ենք քաշում իր վրա: Երբ չեմպիոն է կնկարվենք, երբ պրոբլեմ ունի, քեզ հետ գործ չունենք: Հայաստանի մասին իմ պատկերացումն էդպիսին չէ»,- ասաց նա: 

Փաշինյանը կրկնեց` ֆինանսավորման մասին տեղյակ չի եղել, սակայն գոհ է, որ ֆինանսավորում եղել է:

«Որովհետև չֆինանսավորելը խարան է ՀՀ կառավարության ճակատին, գոհ եմ, որ այդ ֆիլմը ֆինանսավորվել է: Ես սա համարում եմ լափամանից զրկվածների պրոպագանդա, որոնք ուզում են բոլոր հնարավոր միջոցներն օգտագործեն, որ լափամանին մոտ գան: Երկիրը թալանածները, ընտրությունները կեղծածները չարիք են, և նրանց թույլ չեմ տա դրոշը բարձրացրած մարդուն գցեն ոտքերի տակ: Էդ մարդն իմ անձնական պաշտպանության ներքո է, ամոթ եմ համարում, որ մարդուն էսքան հեշտությամբ ոտքերի տակ են գցում»,- ասաց Փաշինյանը:

Վարչապետի խոսքով` ստացվում է՝ Դալուզյանը Հայաստանից հեռացել է, սակայն կրկին հետապնդումների է ենթարկվում, քանի որ «քոռ դանակով մորթում են» և քննադատում:

Հ.Գ. Նիկոլ Փաշինյանն իր խոսքում նշում է, որ Մելինե Դալուզյանը (Մել) Եվրոպայի եռակի չեմպիոն է, սակայն իրականում հայ ծանրորդը երկու անգամ է դարձել Եվրոպայի չեմպիոն` 2007 և 2008 թվականներին:

Մեկնաբանություններ (4)

Hrayr Davtyan
Thank you for focusing on nonsense that has nothing to do with real problems average Armenian people face. Electing you was like trading a rat for a cockraoch. You will have many problems with our proud nation. Your homosexual agenda and support will lead to your end in office soon be sure. No one but a few of our lost young ones support this shit. Shame on you.
Sarkis Ghazarian
Thank you Prime Minister for having your government defend the Human Rights of ALL Armenians.This approach is a very important step to have Armenia be a country that stand for Justice & Equality for all of its citizens
Rafi Sarkis
Thank you prime minister for making me even more proud of being Armenian. You are a national treasure! Under your wise leadership, I look forward to finally seeing Armenia join the fray of enlightened, tolerant and decent nations of this world that have evolved into modern democracies, and leaving behind the ranks of theocratic, intolerant, oligarchic kleptocracy.
Christopher Atamian
Thank you, President Pashinyan. You are making me even prouder to be Armenian! Abriss! Finally aPResident with cojones who stands up for basic human rights--everyone's. Mel is an amazing person, competitor and deserves our praise.

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։