Վաշինգտոնը Հայոց ցեղասպանությունը ճանաչող բանաձև է ընդունել
ԱՄՆ ներկայացուցիչների պալատում Հայոց ցեղասպանության բանաձևի պատմական ու ճնշող մեծամասնությամբ երկկուսակցական ընդունումից հետո Կոլումբիայի շրջանի (ընդգրկում է ԱՄՆ մայրաքաղաք Վաշինգտոնը, խմբ.) խորհուրդը ընդունեց մի բանաձև, որը հաստատում է Հայոց ցեղասպանությունը: Այս մասին ասվում է Ամերիկայի հայկական համագումարի տարածած հաղորդագրությունում:
Բանաձևի նպատակն է «ճանաչել ու խորհել 1915թ.-ի Հայոց ցեղասպանության 104-րդ տարելիցի և Կոլումբիայի շրջանի բնակիչներին Հայոց ցեղասպանության վերաբերյալ կրթելու կարևորության մասին»:
«Ամերիկայի հայկական համագումարը ողջունում է այս բանաձևի ընդունումը և հատկապես ողջունում է կրթության կարևորության շեշտադրումը»,- հայտարարել գործադիր տնօրեն Բրայան Արդունին:
Լուսանկարը՝ MICHEL SUESSE/EYEEM/GETTY IMAGES
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել