HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Վահե Սարուխանյան

Հայաստանի հավաքականը տապալված ելույթներից հետո 102-րդն է համաշխարհային ցուցակում

Ֆուտբոլի ազգային հավաքականը «Եվրո-2020»-ի ընտրական փուլի վերջին՝ նոյեմբերյան ելույթներում 0-1 եւ 1-9 հաշիվներով հույներին ու իտալացիներին զիջելուց հետո նահանջել է 3 հորիզոնական ու հայտնվել 102-րդ տեղում: Այս նահանջը սպասելի էր: Հայաստանի ակտիվում կա 1213 հաշվարկային միավոր նախորդ ամսվա 1226-ի փոխարեն:  

Համաշխարհային դասակարգման առաջատարը շարունակում է մնալ Բելգիան, հաջորդում են Ֆրանսիան, Բրազիլիան, Անգլիան, Ուրուգվայը, Խորվաթիան, Պորտուգալիան, Իսպանիան, Արգենտինան, Կոլումբիան: 

«Եվրո-2020»-ում Հայաստանի արդեն նախորդ մրցակցիներից Իտալիան 13-րդն է (+2), Բոսնիա եւ Հերցեգովինան՝ 49-րդը (-1), Հունաստանը՝ 54-րդը (+4), Ֆինլանդիան՝ 58-րդը (-3), իսկ Լիխտենշտայնը՝ 180-րդը (+1): 

Նախկին ԽՍՀՄ երկրներից լավագույն արդյունքն ունի Ուկրաինան, որը 24-րդն է, հաջորդում են Ռուսաստանը (38), Ուզբեկստանը (85), Բելառուսը (87), Վրաստանը (91), Ղրղըզստանը (96): Մյուսները Հայաստանից ավելի ցածր հորիզոնականներում են: 

Մեր հարեւաններից ամենաբարձր տեղում Թուրքիան է (29), Իրանը 33-րդն է, Վրաստանը, ինչպես ասվեց, 91-րդը, իսկ Ադրբեջանը՝ 114-րդը:  

Հաջորդ աղյուսակը, որը կլինի տարվա վերջինը, կհրապարակվի դեկտեմբերի 19-ին:   

Լուսանկարը՝ ՀՖՖ-ի 

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter