HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Արաքս Մամուլյան

Փոխնախարար Գևորգ Լոռեցյանն ու ձերբակալված մյուս անձինք կալանավորվել են

Ազգային անվտանգության ծառայությունը մեղադրանք է առաջադրել դեկտեմբերի 4-ին առանձնապես խոշոր չափերով կաշառք ստանալու կասկածանքով բերման ենթարկված և ձերբակալված կրթության, գիտության, մշակույթի և սպորտի նախարարի տեղակալ Գևորգ Լոռեցյանին, վերջինիս վարորդին ու Հայաստանում գործող ֆուտբոլային ակումբներից մեկի նախագահին, ով միաժամանակ հանդիսանում է մի շարք մատակարարող ընկերությունների փաստացի ղեկավարը:

«Ձերբակալված անձանց մեղադրանք է առաջադրվել, դատարանը նրանց նկատմամբ խափանման միջոց է ընտրել կալանավորումը»,- ի պատասխան «Հետք»-ի հարցի հայտնեցին ԱԱԾ լրատվական ծառայությունից՝ այլ մանրամասներ չհրապարակելով:

Հիշեցնենք, որ ԱԱԾ-ն դեկտեմբերի 4-ին տարածած հաղորդագրությամբ հայտնել էր, որ «ձեռք բերված նախնական տվյալների համաձայն՝ ԿԳՄՍ նախարարի տեղակալը, նախարարության ենթակա հիմնարկների կարիքների համար մարզագույքի և մարզահագուստի ձեռքբերման նպատակով հայտարարված մրցույթներում աջակցություն ցուցաբերելով վերոնշյալ տնտեսվարողին, դրա դիմաց վարորդի օժանդակությամբ պայմանավորվածություն է ձեռք բերել ստանալ առանձնապես խոշոր չափերով կաշառք գումար: Տնտեսվարողի կողմից գումարի մի մասը նախարարի տեղակալի վարորդին փոխանցելուց անմիջապես հետո վերջիններս բռնվել են»:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter