Ծաղկաձորի «Գոլդեն Փելիս» հյուրանոցի աճուրդը չի կայանա: Այս մասին իր ֆեյսբուքյան էջում գրել է Պետական գույքի կառավարման կոմիտեի նախագահ Նարեկ Բաբայանը:

«Հարգելի լսարան

Այսօր նախատեսված Գոլդեն Փելիս հյուրանոցի աճուրդը չի կայանա, քանի որ մինչև վերջնաժամկետի լրանալը (երեկ 18:00) հայտ չի գրանցվել։ Սրանից հետևում է, որ հաջորդ փուլում աճուրդի մեկնարկային գինը կլինի 5%-ով նվազ, իսկ ամսաթվի մասին լրացուցիչ կտեղեկացնենք»,- գրել է Բաբայանը։

Հիշեցնենք, որ «Գոլդեն Փելիս» հյուրանոցի մեկնարկային գինը Կառավարության որոշմամբ սահմանվել էր 7,5 միլիարդ դրամ: