«Շիրակի հանրային հեռուստառադիո» ՓԲԸ-ի հարկային պարտավորությունը վճարելու նպատակով Կառավարությունն իր պահուստային ֆոնդից 105 միլիոն դրամ հատկացրեց։

Պետական եկամուտների կոմիտեի հաղորդմամբ՝ Կառավարության հունվարի 31-ի որոշմամբ պետք է լուծարվի «Շիրակի հանրային հեռուստառադիո» փակ բաժնետիրական ընկերությունը: Այդ գործընթացի շրջանակներում Պետական եկամուտների կոմիտեն իրականացրել է հարկային ստուգում և պարզել, որ ընկերությունն ունի ԱԱՀ-ի և շահութահարկի գծով պարտավորություն: Այն կազմել է 105 միլիոն դրամ, որը կվճարի Կառավարությունը: