HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Տրդատ Մուշեղյան

Արմեն Մելիքբեկյանն ընտրվեց Հայաստանի ֆուտբոլի ֆեդերացիայի նախագահ

Հայաստանի ֆուտբոլի ֆեդերացիայի (ՀՖՖ) ընդհանուր ժողովը ՀՖՖ նախագահի պաշտոնում ընտրեց ֆեդերացիայի փոխնախագահ, գլխավոր քարտուղար Արմեն Մելիքբեկյանին:

Մելիքբեկյանից բացի, ՀՖՖ նախագահի պաշտոնում առաջադրվել էր նաև «Լոռի» ֆուտբոլային ակումբի սեփականատեր Թովմաս Գրիգորյանը:

Քվեարկության 23 մասնակիցներից 13-ը քվեարկել էին Մելիքբեկյանի, իսկ 7-ը՝ Գրիգորյանի օգտին։ Եվս 3 քվեաթերթիկ անվավեր է ճանաչվել։

Քվեարկությունից առաջ իր խոսքում Արմեն Մելիքբեկյանը նշեց, որ ՀՖՖ նախագահի պաշտոնում առաջադրվելու որոշումը կայացրել է վերջին պահին։ Նա վստահեցրեց, որ ոչ մի անձնական շահ չունի այս հարցում և ընտրվելու դեպքում ծառայելու է հայկական ֆուտբոլին։

«Անի» ֆուտբոլային ակումբի նախագահ, խորհրդային տարիների անվանի ֆուտբոլիստ Խորեն Հովհաննիսյանը նույնպես առաջադրվել էր, սակայն ընդհանուր ժողովից մի քանի օր առաջ հանել էր իր թեկնածությունը՝ հայտարարելով, որ սատարում է Արմեն Մելիքբեկյանին:

Քիչ հետո արտահերթ ժողովի մասնակիցները ընտրելու են նաև ֆեդերացիայի գործադիր կոմիտեի անդամներին։

Հիշեցնենք, որ նոյեմբերի 21-ին ՀՖՖ գործադիր կոմիտեի նիստից հետո Արթուր Վանեցյանը հայտարարեց իր հրաժարականի մասին, ինչպես նաև հայտնի դարձավ, որ գործադիր կոմիտեն նույնպես ցրվելու է:

Մեկնաբանություններ (1)

Petoyan Vram
SHNORHAVOR Dektemberi 23 Hanun mer azgayin hajoxutyan Shat shat shat shat shat aneliq uneq ???

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter