HY RU EN
Asset 3

Բեռնվում է ...

Էջի վերջ Այլ էջեր չկան բեռնելու համար

Որոնման արդյունքում ոչինչ չի գտնվել

Սեդա Ղուկասյան

Գագիկ Ծառուկյան․ «Եթե Հրայր Թովմասյանն ինչ-որ հանցանք է կատարել, թող պատժեն օրենքի սահմանում, բայց ոչ թե քմահաճույքով ու ցանկությամբ»

«Բարգավաճ Հայաստան» կուսակցության նախագահ Գագիկ Ծառուկյանը դեռ որևէ գնահատական չի հնչեցնում սահմանադրական փոփոխությունների և կիսանախագահական մոդելի անցման Հայ ազգային կոնգրեսի առաջարկի վերաբերյալ: Ծառուկյանը, սակայն, հիշեցնում է` 2015 թվականին պայքարում էր կառավարման մոդելի փոփոխման դեմ: Այս մասին խորհրդարանում` լրագրողների հետ զրույցում ասաց նա:

«Բոլորդ գիտեք 2015 թվականին Ծառուկյանի, «Բարգավաճի» գլխին ինչ կատարվեց, հիմնականն այս խնդիրն էր, որ կիսանախագահականը պետք է փոխվեր խորհրդարանականի: Ես ասում էի, որ պատերազմող երկրում նման բան չպետք է լինի, միայն ես էի դեմ, հիմնականում ոչ մի քաղաքական ուժ լիարժեք չպաշտպանեց: Կալանավորվեցին 639 իմ ակտիվիստներից մեկ օրվա մեջ: Ասեցի` լավ, ես կարամ քաղաքական էջը ծալեմ, մենակ բոլորին բաց թողնեն»,- ասաց նա:

Ծառուկյանի խոսքով` դեռ կծանոթանան սահմանադրական փոփոխությունների հայեցակարգին, ապա կհայտնեն դիրքորոշման մասին:

Հարցին, թե ինչ դիրքորոշում ունի Սահմանադրական դատարանում տիրող վիճակի և Հրայր Թովմասյանի հրաժարականի քաղաքական օրակարգի վերաբերյալ, Ծառուկյանը պատասխանեց.

«Ես ամեն ինչ էլ տեսնում եմ և ասում եմ` եթե Հրայր Թովմասյանն ինչ-որ հանցանք է կատարել, խնդիր չկա, թող հանցանքը ներկայացնեն, մարդուն պատժեն օրենքի սահմանում, բայց ոչ թե քմահաճույքով կամ ցանկությամբ: Ցանկացած քաղաքացի պարտավոր է պատասխանատու լինել իր արարքների համար»:

Ինչ վերաբերում է Ազգային անվտանգության ծառայության նախկին տնօրեն Գեորգի Կուտոյանի մահվանը, Գագիկ Ծառուկյանն ասաց, որ գործը իրավապահ մարմինների տիրույթում է, երբ ուսումնասիրություններն ավարտվեն,  կհայտնեն իրենց գնահատականը:

Մեկնաբանել

Լատինատառ հայերենով գրված մեկնաբանությունները չեն հրապարակվի խմբագրության կողմից։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter