Առողջապահության նախարար Արսեն Թորոսյանը ֆեյսբուք իր էջում գրել է, որ  նախարարությունը ստացել է կորոնավիրուսի ախտորոշման լաբորատոր տեստերը։

«Քիչ առաջ ստացանք կորոնավիրուսի ախտորոշման լաբորատոր տեստերը։ Դրանք շատ կարևոր են հիվանդության կանխարգելման և բուժման համար։

Մինչ օրս հիվանդությանը բնորոշ ախտանիշներով պացիենտ չենք ունեցել, սակայն այսուհետ կկարողանանք կասկածելի դեպքերում նաև լաբորատոր ստուգում անցկացնել։

Մնացած բոլոր հակահամաճարակային միջոցառումները պատշաճ իրականացվում են»,- գրել է նախարարը։