Երկու ժամկետային զինծառայողների մահվան դեպքի առթիվ հարուցվել է քրեական գործ
Քննչական կոմիտեն քրեական գործեր է հարուցել պարտադիր ժամկետային զինծառայող, կրտսեր սերժանտ Տիգրան Հուսիկի Մխոյանի մահվան դեպքի եւ պարտադիր ժամկետային զինծառայող, շարքային Տիգրան Մանվելի Մանվելյանի մահվան դեպքի առթիվ: Երկու զինծառայողների մահվան մասին հաղորդվել էր երեկ՝ փետրվարի 12-ին:
Ըստ ՔԿ տեղեկատվության և հասարակայնության հետ կապերի բաժնի հաղորդագրության՝ 2020թ. փետրվարի 12-ին՝ ժամը 13:00-ի սահմաններում, N զորամասի պահպանության տեղամասի մարտական դիրքում, մարտական հերթապահության ընդգրկված պարտադիր ժամկետային զինծառայող, կրտսեր սերժանտ Տիգրան Հուսիկի Մխոյանի գլխի շրջանում հրազենային վնասվածք ստանալու և զինվորական հոսպիտալ տեղափոխվելու ճանապարհին մահանալու դեպքի առթիվ ՀՀ քննչական կոմիտեի երկրորդ կայազորային քննչական բաժնում հարուցվել է քրեական գործ: Կատարվում է նախաքննություն:
Մեկ այլ հաղորդագրությամբ՝ 2020թ. փետրվարի 12-ին՝ ժամը 11:30-ի սահմաններում, N զորամասի պահպանության տեղամասի մարտական դիրքում, մարտական հերթապահության ընդգրկված պարտադիր ժամկետային զինծառայող, շարքային Տիգրան Մանվելի Մանվելյանի գլխի շրջանում հրազենային վնասվածք ստանալու և զինվորական հոսպիտալ տեղափոխվելու ճանապարհին մահանալու դեպքի առթիվ ՀՀ քննչական կոմիտեի երկրորդ կայազորային քննչական բաժնում հարուցվել է քրեական գործ: Կատարվում է նախաքննություն:
Մեկնաբանել