ՀՀԿ խմբակցության պատգամավոր Մկրիտչ Մինասյանի խոսքերով՝ Ֆրանսիայում Հայոց ցեղասպանության ժխտումը քրեականացնող օրինագիծը ողջ հայ ժողովրդի` այդ թվում և սփյուռքի գործունեության արդյուքն է: Սակայն այն, որ Սահմանադրական խորհուրդը մերժեց ներկայացված օրինագիծը, «ողբերգություն չէ»: Ներկայացված օրինագիծը նպաստեց, որ Հայոց ցեղասպանության մասին ավելի շատ խոսվի, բացի այդ՝ դա Թուրքիային կստիպի մի օր ընդունել այն:

Այս մտքի հետ համաձայնեց նաև «Ազատ դեմոկրատներ» կուսակցության անդամ Ալեքսանդր Արզումանյան: Նրա կարծիքով՝ ներկայացված օրինագիծը Ֆրանսիայի ներքին գործընթացների մի մասն է: Տվայլ պարագայում պետք է կողքից հետևալ այդ գործընթացներին և աջակցել այնտեղի սփյուռքին:

Միաժամանակ, Ա. Արզումանյանը վտանգ է տեսնում այն հանգամանքի մեջ, որ օրինագիծը դեռևս չընդունված՝ սին խոստումներով ոգևորում են հայ ժողովրդին: Իրականում օրինագիծը քաղաքական խնդիր է հետապնդում, բայց ստեղծված իրավիճակը պետք է օգտագործել ի նպաստ Հայաստանի: Նրա խոսքերով՝ ի վերջո «Ֆրանսիան մեր գեղեցիկ աչքերի համար չէ ընդունում օրինագիծը»:

ՀՀԿ ներկայացուցիչը հավելեց, որ օրինագիծը չի կարող ընդունվել մեկ օրում, դա երկարատև գործընթաց է, դեռևս կներկայցվի դրա կատարելագործված տարբերակը, որը նա հույս ունի, որ արդեն կընդունվի: