Մարտի 4-ին արտակարգ իրավիճակների նախարար Ֆելիքս Ցոլակյանն նախարարության ղեկավար կազմի հետ անցակացրեց խորհրդակցություն՝ քննարկելով կորոնավիրուսով պայմանավորված առկա վիճակը: Այս մասին հաղորդում է ԱԻՆ մամուլի ծառայությունը:

«Նախարարը հանձնարարեց միջգերատեսչական և տեղական ինքնակառավարման մակարդակներում շարունակել սերտ համագործակցությունը, նախարարության որդեգրած քաղաքականությանը համապատասխան՝ իրականացնել կանխարգելիչ գործողություններ:

Մասնավորապես, իրազեկել քաղաքացիներին կորոնավիրուսից պաշտպանվելու արդյունավետ մեթոդների մասին, ապահովել առավելագույն սանիտարահիգիենիկ-պաշտպանական միջավայր նախարարության կառուցվածքային ստորաբաժանումներում՝ մարդկանց հետ շփումներում խստորեն հետևելով առողջապահության նախարարության նախանշած նորմերին»,- ասվում է ԱԻՆ-ի հաղորդագրությունում: