Խորհրդարանն առաջին ընթերցմամբ ընդունեց Կառավարության ներկայացրած «Ապօրինի ծագում ունեցող գույքի բռնագանձման» և հարակից ներկայացված նախագծերի փաթեթը:

Այն ընդունվեց 100 կողմ, 2 դեմ և 18 ձեռնպահ ձայների հարաբերակցությամբ:

Մինչ քվեարկությունը վարման կարգով խոսեց «Բարգավաճ Հայաստան» խմբակցության քարտուղար Արման Աբովյանը՝ ասելով, որ ձեռնպահ կքվեարկեն, իսկ մինչև երկրորդ ընթերցում առաջարկներով հանդես կգան:

«Լուսավոր Հայաստան» խմբակցության ղեկավար Էդմոն Մարուքյանն էլ ասաց, որ կողմ են քվեարկելու, և մինչև երկրորդ ընթերցում առաջարկներով հանդես կգան:

Այս նախագիծը քրեաիրավական միջոց չէ, այլ քաղաքացիական հայց ներկայացնելու ինստիտուտ:

Այն թույլ է տալիս բռնագանձել գույքը, որի ձեռքբերումը օրինական եկամտի աղբյուրներով չի հիմնավորվում: Նման գույքի առնչությամբ գործում է ապօրինի ծագում ունենալու կանխավարկածը, որը կարող է պատասխանող կողմը հերքել` գույքի ձեռքբերումը հիմնավորող ապացույցների ներկայացմամբ:

• Խորհրդարանում քննարկվեց ապօրինի ծագում ունեցող գույքի բռնագանձման օրենքի նախագիծը