Կանադայի վարչապետ Ջասթին Տրյուդոն տեղափոխվել է կարանտին։ Պատճառը Կանադայի վարչապետի կնոջ մոտ կորոնավիրուսի ախտանիշների առկայության կասկածն է։ Այդ մասին մարտի 12-ին հայտարարել է վարչապետի գրասենյակը։ Տրյուդոն տեսաուղերձի ժամանակ հայտնել է, որ ինքնամեկուսացվելու է և կաշխատի տնից։ Բացի այդ, վարչապետը բոլոր բանակցությունները կվարի հեռախոսով։ Վարչապետն իր «Թվիթերի» միկրոբլոգում էլ գրել է, որ մեկուսացման որոշումը կայացվել է Լոնդոնից Սոֆի Տրյուդոյի վերադառնալուց հետո։

I have some personal news to share today. Sophie recently returned from a speaking event in the UK, and last night she was experiencing mild flu-like symptoms. She‘s feeling better, but following the advice of our doctor she is self-isolating as we wait on COVID-19 test results.

— Justin Trudeau (@JustinTrudeau) March 12, 2020

«BBC»-ն հայտնում է, որ երկու օր առաջ վատացել է Տրյուդոյի կնոջ՝ Սոֆի Գրեգուար Տրյուդոյի ինքնագիտակցությունը։ Նա հանձնել է անալիզներ, և ամուսինները մեկուսացման մեջ կգտնվեն մինչև արդյունքների հրապարակումը։ Կանադայի վարչապետի մոտ նման ախտանիշներ չեն հայտնաբերվել։

Մարտի 11-ին «Politico» թերթը հայտնել է, որ մի միջոցառումներից մասնակիցներից մեկի մոտ, որին մասնակցել էր նաև Տրյուդոն, ավելի ուշ հայտնաբերվել է կորոնավիրուս։ Նշվում է, որ այդ մարդը, որի անունը չի հայտնվում, սակայն տեղեկություն կա, որ 50-ից բարձր տարիքի է, եղել է Օնտարիոյի առաջին վարակակիրը։ Հիվանդության հայտնաբերումից հետո վերջինս հոսպիտալացվել է։

Մարտի 7-ին էլ Իտալիայի դեմոկրատական կուսակցության առաջնորդ Նիկոլա Ձինգարետին էլ հայտնել էր կորոնավիրուսով հիվանդ լինելու մասին։ Սոցիալական ցանցերում տարածած իր հաղորդագրության մեջ, նա հայտնել է, որ իրեն լավ է զգում, սակայն «ստիպված է մնալ տանը»։ Հաջորդ օրը հայտնի է դարձել, որ կորոնավիրուսով հիվանդ է նաև Իտալիայի զինված ուժերի գլխավոր շտաբի պետ Սալվատորե Ֆարինան և Պիեմոնտ պրովինցիայի ղեկավար Ալբերտո Չիրիոն։

Լուսանկարը՝ «Vogue» ամսագրի