Դերասաններ Իդրիս Էլբան և Քրիստոֆեր Հիվյուն վարակվել են կորոնավիրուսով
Բրիտանացի դերասան Իդրիս Էլբան հայտնել է, որ վարակվել է COVID-19 նոր կորոնավիրուսով։ Այդ մասին նա գրել է Թվիթերի իր միկրոբլոգում։
«Ես հանձնել եմ COVID-19 կորոնավիրուսի թեստ և այն դրական է եղել։ Ես ինձ լավ եմ զգում, ինձ մոտ դեռ չկան հիվանդության ախտանիշներ, սակայն գտնվում եմ մեկուսացման մեջ։ Մնացեք տանը և եղեք պրագմատիկ։ Խուճապի մի՜ մատնվեք»,- գրել է Էլբան։
This morning I tested positive for Covid 19. I feel ok, I have no symptoms so far but have been isolated since I found out about my possible exposure to the virus. Stay home people and be pragmatic. I will keep you updated on how I’m doing ???? No panic. pic.twitter.com/Lg7HVMZglZ
— Idris Elba (@idriselba) March 16, 2020
COVID-19 վիրուսով վարակվելու մասին հայտնել է նաև նորվեգացի դերասան Քրիստոֆեր Հիվյուն, որն առավել հայտնի է «Գահերի խաղը» հեռուստասերիալում մարմնավորած Տորմունդի դերով։ «Instagram»-ի իր էջում Հիվյուն գրել է. «Ես և իմ ընտանիքն ինքնամեկուսացվել ենք տանը։ Մեր առողջությունը լավ է, ինձ մոտ միայն մրսածության թեթև ախտանիշներ են։ Եկեք անենք ամեն ինչ, որպեսզի կանխենք վիրուսի տարածումը։ Միասին մենք կարող ենք պայքարել վիրուսի դեմ և կանխենք ճգնաժամը մեր հիվանդանոցներում։ Հոգ տարեք մեկդ մյուսի նկատմամբ, պահեք հեռավորություն և առողջ եղեք»,- գրել է նա։
Ավելի վաղ, ԶԼՄ-ները գրել էին, որ կորոնավիրուսով հիվանդացել են հայտնի դերասաններ Օլգա Կուրիլենկոն, Թոմ Հենքսը և նրա կինը՝ Ռիտա Ուիլսոնը։ Վերջիններս արդեն անցել են բուժման կուրսը, նրանց դուրս են գրել Ավստրալիայի հիվանդանոցից, և հիմա ամուսինները գտնվում են կարանտինի մեջ՝ իրենց վարձակալած բնակարանում։
Վերջին տվյալներով կորոնավիրուսի վարակակիրների թիվը հասել է 185 387-ի, մահացածների թիվը՝ 7332-ի, իսկ ապաքինվածների թիվը՝ 79 930-ի։
Լուսանկարը՝ «The People» ամսագրի
Տեսանյութեր
Լուսանկարներ
Մեկնաբանել