Չինաստանում առաջին անգամ չի գրանցվել կորոնավիրուսի վարակման տեղական դեպք
Չինաստանում առաջին անգամ մեկ օրվա ընթացքում չի գրանցվել կորոնավիրուսի վարակման տեղական դեպք։ Այդ մասին հայտնել է Չինաստանի առողջապահության ազգային հանձնաժողովը։
Հուբեյ նահանգում և Ուհան քաղաքում, որտեղ սկսվել էր կորոնավիրուսի համաճարակը, մեկ օրվա ընթացքում չի գրանցվել կորոնավիրուսի վարակման տեղական դեպք։ Ընդհանուր առմամբ, մեկ օրվա ընթացքում մայրցամաքային Չինաստանում կորոնավիրուս է հայտնաբերվել 34 մարդու մոտ, որոնք բոլորը արտասահմանից Չինաստան ժամանած քաղաքացիներ էին։ Մեկ օրվա ընթացքում մահացել է 8 մարդ, որից 6-ը՝ Ուհան քաղաքում։
Կորոնավիրուսի համաճարակի բռնկումից ի վեր՝ Չինաստանում հայտնաբերվել է կորոնավիրուսի 80 928 դեպք, որոնցից 70 420-ն ապաքինվել են, իսկ 3 245-ը՝ մահացել։
Վերջին տվյալներով աշխարհում հայտնաբերվել է կորոնավիրուսի 220 351 դեպք, մահացածների թիվը հասել է 8 988-ի, իսկ ապաքինվածների թիվը՝ 85 778-ի։
Լուսանկարը՝ The Wall Street Journal-ի
Մեկնաբանել