Կորոնավիրուսի պատճառով արտակարգ դրությամբ պայմանավորված՝ քաղաքային կյանքը Երևանում դանդաղել է, դրսում մարդկանց և մեքենաների թիվը կտրուկ քչացել է, սակայն ոչ բոլոր քաղաքացիներն են կարող իրենց թույլ տալ ինքնամեկուսանալու շռայլությունը, սպասարկման ոլորտի և փոքր բիզնեսի ներկայացուցիչները ստիպված են նաև այս օրերին կատարել իրենց աշխատանքը։
Ծաղիկի խանութները հիմնականում բաց են` չնայած հաճախորդների հոսքը նվազել է։
Կանաչապատման աշխատակիցները ծառերի համար փոսեր էին փորում, մի քանի օրից էլ կսկսեն բակային ծառատունկը․ պատկան մարմինների որոշմամբ` վաթսունն անց աշխատակիցները դուրս չեն գալիս աշխատանքի՝ պահպանելով աշխատավարձը։
Գետնանցման կրպակների աշխատակիցները հատուկենտ առևտուր են անում, ասում են, եթե ստիպված չլինեին վարձ վճարել տարածքի համար, միգուցե իրենք էլ փակվեին, նշելով, որ այն խանութները, որոնց տերերը համաձայնվել են այս ամսվա համար չվերցնել վարձավճար, փակ են։
Բազմաթիվ ռեստորաններ և սրճարաններ փակ են, որոշ դեպքերում ռեստորանային ցանցից միայն մեկ-երկուսն են աշխատում։
Մրգավաճառն ասում է, որ առաջին երեք օրը լավ առևտուր է ունեցել, բոլորը մեծ քանակի գնումներ են արել, հիմա գրեթե հաճախորդ չկա։
Կանգառներում քաղաքացիները ինքնաբերաբար իրարից սոցիալական հեռավորություն են պահում։
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել