Ի թիվս այլ արգելքների, մարտի 24-ից արգելվում է բոլոր տեսակի ռեստորանների և սրճարանների գործունեությունը, բացառությամբ՝ առաքման ծառայությունների։ Այս մասին հայտարարել է վարչապետ Նիկոլ Փաշինյանը։ Երևանի կենտրոնում սրճարաններն ու ռեստորանները առավոտվանից փակ են։ Պարետատունն էլ իր հերթին հորդորել էր քաղաքացիներին, որպեսզի առավոտյան 10:00-12:00-ն սուպերմարկետներից առևտուր անեն միայն թոշակառուները։ Այս մի կետին, սակայն, դեռ այդքան էլ չեն հետևում․ այդ ժամերին առևտուր են անում և՛ մեծահասակները, և՛ երիտասարդները։