Երևանի վարչական շրջանների տարածքներում կստեղծվեն գյուղմթերքի փոքր շուկաներ: Վարչական շրջանների համապատասխան ստորաբաժանումներն արդեն ներկայացրել են նոր շուկաների ստեղծման վայրերի վերաբերյալ առաջարկություններ:

Այս մասին այսօր՝ աշխատանքային խորհրդակցության ժամանակ, Երևանի քաղաքապետ Տարոն Մարգարյանին զեկուցել է առևտրի և սպասարկումների վարչության պետը: Տարոն Մարգարյանը հանձնարարել է մեկ անգամ ևս ուսումնասիրել և հնարավորին սեղմ ժամկետում ավարտել փաստաթղթային ձևակերպումները: