Դոնալդ Թրամփն ստորագրել է ԱՄՆ տնտեսության աջակցության հակաճգնաժամային փաթեթը
ԱՄՆ նախագահ Դոնալդ Թրամփը ստորագրել է ԱՄՆ տնտեսության աջակցության հակաճգնաժամային փաթեթը, որով նախատեսվում է ամերիկյան տնտեսության աջակցության համար առանձնացնել 2,2 տրիլիոն դոլար։ Այդ մասին ԱՄՆ նախագահը հայտնել է «Թվիթեր»-ի իր միկրոբլոգում։
I just signed the CARES Act, the single biggest economic relief package in American History – twice as large as any relief bill ever enacted. At $2.2 Trillion Dollars, this bill will deliver urgently-needed relief for our nation’s families, workers, and businesses. #CARESAct?? https://t.co/0WnTNFZPZD
— Donald J. Trump (@realDonaldTrump) March 27, 2020
Աջակցության ծրագիրը ենթադրում է, որ յուրաքանչյուր չափահաս ամերիկացի, որի եկամուտները չեն գերազանցում 99 000 ԱՄՆ դոլարը կստանան մինչև 1 200 ԱՄՆ դոլար օգնություն, իսկ յուրաքանչյուր երեխայի կտրամադրվի 500-ական ԱՄՆ դոլար։ Աջակցության փաթեթի միջոցով կմեծացվ նաև գործազրկության ապահովագրության ծավալը։
Բացի այդ, իշխանությունները 117 միլիարդ դոլար կտրամադրեն հիվանդանոցների օգնության համար և 500 միլիարդ էլ բոլոր այն ընկերություններին, որոնք տուժել են կորոնավիրուսով պայմանավորված սահմանափակումներից։
Ըստ Դոնալդ Թրամփի՝ ստորագրված աջակցության փաթեթը դարձել է ԱՄՆ պատմության խոշորագույն աջակցության ծրագիրը։ Մինչ Թրամփի ստորագրումը, ծրագիրը ստացել էր նաև Կոնգրեսի հավանությունը։
Վերջին տվյալներով`ԱՄՆ-ում կորոնավիրուսով վարակակիրների թիվը հասել է 104 256-ի, ապաքինվածների թիվը՝ 2 525-ի, իսկ մահացածների թիվը՝ 1704-ի։ Ներկայումս վարակակիրների թվով ԱՄՆ-ն աշխարհի առաջատար երկիրն է։ ԱՄՆ նահանգների մեծ մասում ձեռնարկվել են կարանտինային միջոցներ։ Այդ ռեժիմի տակ է հայտնվել շուրջ 228 միլիոն մարդ։
Լուսանկարը՝ Getty Images -ի
Մեկնաբանել