Կառավարության մարտի 30-ի արտահերթ նիստի օրակարգի երկրորդ (կորոնավիրուսի տնտեսական հետևանքների չեզոքացման յոթերորդ միջոցառում) հարցը վերաբերում էր հղի կանանց միանվագ օգնության տրամադրմանը։

Միջոցառման նպատակն է օժանդակել կորոնավիրուսի տարածման հետևանքով աշխատանքի շուկայում գոյացած դժվարությունների արդյունքում սոցիալական խնդիրների առջև կանգնած հղի կանանց:

«Միջոցառման շահառու է հանդիսանում հղի կինը, ով 2020թ. մարտի 30-ի դրությամբ չունի աշխատանք և ում ամուսինն ազատվել է աշխատանքից 2020թ. մարտի 13-ից մինչև մարտի 30-ն ընկած ժամանակահատվածում և չի անցել մեկ այլ աշխատանքի նույն ժամանակահատվածում»,- նշեց Աշխատանքի և սոցիալական հարցերի նախարարը։

Աջակցությունը տրամադրվում է միանվագ նպաստի ձևով՝ 100 000 դրամի չափով: