Երեկ պարետի որոշմամբ փակվեց Երևանի Մետրոպոլիտենը: Այն չի գործելու մինչ ապրիլի 12-ը։ Մետրոյի գործարկումից՝ 1981 թվականից, առաջին դեպքն է, երբ մետրոն փակվում է:

Արտակարգ դրության օրերին մետրոյից օգտվողների թիվը նվազեց 6 անգամ: Մետրոյի փակման նախորդող օրը «Հետքը» շրջել է Երևանի մետրոպոլիտենի կայարաններով: Կայարանները գրեթե դատարկ էին. սրահներում մի քանի ուղևորներ եւ անվտանգության աշխատակիցներ էին։